Coral-ის სამგზავრო დოკუმენტის ნომერი:
დასვენება
თურქეთში
თურქეთი ტურისტების ყველა საჭიროებას ერგება: სასტუმროები ნებისმიერი გემოვნებისთვის - მდიდრული თუ ბიუჯეტური, მრავალფეროვანი პლაჟები, ხელსაყრელი კლიმატი, პირველი კლასის მომსახურება, მსოფლიოს ცნობილი ღირსშესანიშნაობები და რა თქმა უნდა, ტურისტების საყვარელი სისტემა - All Inclusive, რომელიც ათავისუფლებს მათ ზედმეტი ხარჯებისა და ძალისხმევისგან. სავიზო ფორმალობების არარსებობა კი მნიშვნელოვნად ამარტივებს ტურის შერჩევის პროცესს.
თურქეთში რამოდენიმე ძირითადი აეროპორტია, Coral Travel-ის ფრენის მრავალფეროვანი განრიგი დაგეხმარებათ თქვენთვის სასურველი ტურის არჩევისას!
სტამბოლი: უძველესი ქალაქი, სადაც მჭიდროდ არის გადახლართული ევროპა და აზია, ისტორია და თანამედროვეობა. რაიონი სულთანჰამეტი სიძველეების მოყვარულთ იზიდავს, თაქსიმი თანამედროვე მეგაპოლისის რიტმით ცხოვრობს, ხოლო ლალელი უკვე რამდენიმე ათეული წლებია შოპინგის მოყვარულებს იზიდავს. სტამბოლი შესაძლოა იყოს დასვენების ცენტრი ან ეწვიოთ მას მხოლოდ ექსკურსიის ფარგლებში.
თანამედროვე სასტუმროების განვითარებული ქსელი, დახვეწილი რესტორნების მრავალფეროვნება, მყუდრო, ნაციონალური სტილის ყავის სახლები, უამრავი სახის გასართობი ცენტრები და დისკოთეკები, მრავალნაირი მაღაზიები, წყლის ატრაქციონები და ბოლოს, საერთაშორისო აეროპორტი, რომელიც მასპინძლობს სტუმრებს მსოფლიოს ყოველი კუთხიდან - ყოველივე ამან ანტალია თურქული რივიერის ცნობილ დედაქალაქად აქცია.
ჩრდილოეთიდან საკურორტო ქალაქი გარშემორტყმულია ტავრის მთებით, სამხრეთიდან - ხმელთაშუა ზღვის თბილი წყლებით. აქ საცურაო სეზონი ყველაზე დიდ ხანს, მაისის დასაწყისიდან ოქტომბრის ბოლომდე გრძელდება. სასტუმროებში ბევრ ახალგაზრდას შეხვდებით, გარემო მშვიდია, ფასები - მისაღები. ეს ადგილი სახელგანთქმულია არა მხოლოდ ბარებით, დისკოთეკებითა და მაღაზიებით, არამედ ისტორიული ძეგლების შთამბეჭდავი მრავალფეროვნებით.
ფეშენებელური რაიონი, სამოთხე ელიტური ტურიზმისთვის, კურორტის სასტუმროები გთავაზობთ არა მხოლოდ All Inclusive კონცეფციას, არამედ ყველა სახის დასვენებას: საუკეთესო სპა-ცენტრები, გოლფის კორტები, ტენისის კორტები, მაღალი დონის რესტორნები - ეს ყველაფერი გელით ბელექში.
კურორტის ჰაერი გაჯერებულია წიწვოვანი ხეების სურნელით, ხოლო ზღვა, კენჭოვანი სანაპიროს წყალობით, განსაკუთრებულად სუფთაა. პირველ რიგში, ქემერი აღიქმება ახალგაზრდულ მიმართულებად. კურორტის ცენტრში და ახლომდებარე დასახლებებში მდებარეობს უამრავი ბარი, რესტორანი თუ ღამის კლუბი. ყველაზე პოპულარული დისკოთეკების სიაში შედიან Inferno, Aura, Budda. საექსკურსიო მოგზაურების მოყვარულთათვის მიმდებარე ტერიტორიაზე არის უძველესი ქალაქები - ფასელისი და ოლიმპოსი.
კურორტი გასაოცარი ოქროსქვიშიანი და ქვიშა-კენჭოვანი პლაჟებით, ნებისმიერ ბიუჯეტზე მორგებული სასტუმროებით და ასევე უამრავი რესტორნით, ბაზრით და სუვენირების მაღაზიით. რაიონი ასევე მდიდარია რავალი არქიტექტურული ძეგლითა და ბუნებრივი სილამაზით.
ყურეში ჩამალული კურორტი, რომელიც მდებარეობს საბერძნეთის კუნძულ კოსზე. "უძინარი ღამეების" ქალაქი, სადაც მდებარობს ევროპაში ყველაზე დიდი დისკოთეკა, მთელი მსოფლიოს ტურისტებისთვის საყვარელი დასვენების ადგილი, შთაგონების წყაროა თურქული და ევროული ბოჰემის წარმომადგენლებისთვის. ბოდრუმი იდეალური ადგილია სერფინგისა და სხვა საცურაო სპორტის მოყვარულებისთვის.
ცნობილია ალტინკუმის პლაჟით ("ოქროს ქვიშები"), ასევე ერთ-ერთი გრანდიოზული ანტიკური ძეგლით - აპოლონის ტაძარი. რეკომენდებულია მათთვის, ვისაც სურს სანაპირო დასვენება საექსკურსიოს შეუთავსოს.
საყვარელი კუორტი ახალგაზრდებისთვის ღამის ცხოვრების მრავალფეროვნებისა და ბინადრობის ეკონომიური ვარიანტების გამო. მათ, ვისაც სურთ მშვიდი ოჯახური დასვენება, ვურჩევთ ყურადღება მარმარისის გარეუბნებზე გაამახვილონ - სადაც გარანტირებულია სუფთა პლიაჟები და თვალწარმტაცი ბუნება.
თურქეთის სანაპიროების ყველაზე განმარტოებული კუთხე, თითქოსდა შეიქმნა მათთვის, ვინც ეძებს განმარტოებას, რომანტიკასა და სიმშვიდეს. მდებარეობს ბაბადაკის მთაზე და მთელი მსოფლიოდან იზიდავს პარაპლანერებს. 15 კილომეტრის დაშორებით მდებარეობს ოლუდენიზის ყურე, რომელიც მყვინთავების საყვარელი ადგილია.
თურქეთის უძველესი და ლამაზი ქალაქი, სადაც თავმოყრილია უამრავი ღირსშესანიშნაობა. რაიონში რამდენიმე უნიკალური საკურორტო სოფელია: მაგალითად, ჩეშმე ცნობილია სამკურნალო თერმული წყლებით, ხოლო გუმულდური - ვარდისა და ლიმნის პლანტაციებით.
იდეალური ვარიანტია მათთვის, ვინც შეჩვეულია პლიაჟის მშვიდი დასვენების საექსკურსიო პროგრამასთან შეთავსებას. ახლოსაა ტროა, ფამუკალე და ეფესო. აქ არ არის აუტანელი სიცხე ვინაიდან ეგეოსის ზღვიდან მსუბუქი ნიავნი უბერავს.
კეთილმოწყობილი კურორტი, სადაც ღამის ცხოვრება დილამდე გრძელდება - დისკოთეკები, ბარები, რესტორნები, ღამის კლუბები. ღია ცის ქვეშ ხშირად იმართება კონცერტები თურქი ვარსკვლავების მონაწილეობით. სათხილამურო ფერდობები ზღვის დონიდან 1750-2500 მეტრ სიმაღლეზე, ძირითადად, ტყის ტერიტორიაზე მდებარეობს. რბილი ფერდობები კი იდეალურია დამწყები მოთხილამურებისთვის.
ყველაზე ახალგზარდა და სწრაფად მზარდი სათხილამურო კურორტი თურქეთში. სათხილამურო ზონა ზღვის დონიდან 2250 – 3000 მეტრის სიმაღლეზე მდებარეობს. სასტუმროების უმეტესობა 4-5 ვარსკვლავის კატეგორიას მიეკუთვნება და აქვთ განვითარებული ინფრასტრუქტურა. რეკომენდებულია საოჯახო დასვენებისთვის.
თურქეთში განსაკუთრებულად მრავალფეროვანი კლიმატია. ცენტრალური თურქეთი - კონტინენტალური კლიმატის რეგიონი საკმაოდ ცივი თოვლიანი ზამთრით, ხოლო ქვეყნის დასავლეთით, სამხრეთ სანაპირო - სუპტროპიკული კლიმატით ხასიათდება სადაც თბილი და მზიანი ამინდები ადრეული გაზაფხულიდან გვიან შემოდგომამდე გრძელდება.
ხმელთაშუა ზღვის სანაპიროზე საცურაო სეზონი აპრილში იწყება და ოქტომბერში სრულდება, ეგეოსის სანაპიროზე - ცოტა მოგვიანებით - ივნისში იწყება. სასტუმროები, როგორც წესი, არ იხურება ზამთარში და აგრძელებენ სტუმრების მიღებას, რომელთა განკარგულებაში რჩება ინფრასტრუქტურა - რა თქმა უნდა, პლაჟისა და ღია საცურაო აუზების გარეშე.
თურქეთის დრო თბილისის დროს ერთი საათით ჩამორჩება.
თურქეთში ფულად ერთეულს თურქული ლირა წარმოადგენს. გაცვლითი კურსი საკმაოდ მერყევია ამიტომ რეკომენდებულია ფული ნაწილ-ნაწილ გადაცვვალოთ სასტუმროებში, ვალუტის გაცვლის პუნქტებსა და ფოსტის ფილიალებში. ასევე ქვეყანაში ყველგანაა შესაძლებელი გადახდის წარმოება დოლარსა და ევროში.
საქართველოს მოქალაქეებს არ სჭირდებათ წინასწარ საელჩოში ვიზის გაფორმება. საზღვარგარეთის პასპორტში საზღვარზე ენიჭება სპეციალური ბეჭედი, რომელიც იძლევა ქვეყანაში ორი თვე დარჩენის უფლებას რაც ძალიან მოსახერხებელია ტურისტებისთვის, რომლებიც ცხელ ტურებს ირჩევენ.
სტუმართმოყვარე თურქეთი - განსაკუთრებული გეორგრაფიული მდებარეობის ქვეყანაა, ვინაიდან მის სანაპიროებს ერთდროულად ოთხი ზღვა აკრავს: ხმელთაშუა, შავი, ეგეოსის და მარმარილო. ქვეყნის ტერიტორიის უმეტესი ნაწილი აზიაში მდებარეობს, მცირე კი - ევროპაში. თურქეთი სამხრეთით ერაყსა და სირიას ესაზღვრება, ჩრდილოეთით საბერძნეთსა და ბულგარეთს, აღმოსავლეთით საქართველოს, ირანსა და სომხეთს. დედაქალაქია ანკარა, რომელიც აღმართულია ანატოლიის პლატოზე. ლანდშაფტი წარმოადგენს გამჭირვალე ჩანჩქერებიან მთებს, სურნელოვან წიწვოვან ტყეებს, მდინარეებსა და ტბებს რომელთაგან ზოგიერთის წყალი მარილიანია, ზოგი კი - სუფთა.
მცირე აზია - მსოფლიო ცივილიზაციისა და კულტურის ერთ-ერთი პირველი ცენტრია. აქ სხვა და სხვა ეროვნების ხალხის მრავალფეროვნებაა - ევროპის და აზიის ემიგრანტებმა აითვისეს მიწა რომელთა შორის არიან - ხეთები და კიმელიელები, ფრიგიელები და ლიდიელები, ბერძნები, რომაელები, სელჩუკები, ოსმალები. თითოეულმა ცივილიაზიამ გავლენა იქონია ქვეყნის ისტორიასა და ტრადიციებზე. 1923 წელს თურქეთის რესპუბლიკა დედაქალაქი ანკარით გამოცხადდა. ეკონომიკურმა და პოლიტიკურმა რეფორმებმა გარდაქმნეს ქვეყნის სახე და იგი სეკულაურ და დემოკრატიულ სახელმწიფოდ აქცია.
სახელმწიფო ენა - თურქული. ტურისტულ ცენტრებში გამოიყენება ინგლისური, რუსული, გერმანული, ფრანგული. ოფიციალურად რელიგია გამოყოფილია სახელმწიფოსგან, მოსახლეობის უმეტესი ნაწილი ისლამის მიმდევარია.
თურქული სამზარეული დახვეწილი კერძების მრავალფეროვნებას გთავაზობთ. პრიორიტეტი ენიჭება ძროხისა და ცხვრის ხორცისგან მომზადებულ კერძებს. კლასიკის ჟანრია - დონერ ქებაბი. ძალიან პოპულარულია დოლმა, რომლის მოსამზადებლად გამოიყენება პომიდორი, ბადრიჯანი, წიწაკა და ყურძნის ფოთლები. თურქულ სამსაზარეულოში განსაკუთრებულ ადგილს ტკბილეულობა იკავებს. ყველაზე პოპულარული ალკოჰოლური სასმელია რაქი (ანისის არაყი), რომელიც წყალთან შეზავებისას თეთრ შეფერილობას იღებს.
ავტობუსი - ყველაზე პოპულარული სანტრანსპორტო საშუალებაა თურქეთში. ასევე შესაძლებელია ტაქსის გამოძახება, რომელთაც ტაქსომეტრი აქვთ დამონტაჟებული. დღის საათებში მუშაობენ დოლმუშები - სამარშუტო ტაქსები მგზავრობის ფიქსირებული ღირებულებით. პატარა ქალაქებში მათი მოძრაობა დაახლოებით 20:00 საათისთვის სრულდება.
ყველა სახის სამედიცინო მომსახურება თურქეთში ფასიანი. ექიმის საჭიროების შემთხვევაში ისარგებლეთ სამედიცინო დაზღვევის, რომელიც ტურის შეძენისას გადმოგეცათ.
დღესასწაულები
