დასვენება კუშადასში

კუშადასის ისტორია იწყება დაახლოებით ძვ.წ. 1100 წლიდან. საუკუნეების განმავლობაში ქალაქი მრავალ ცივილიზაციას ეკუთვნოდა: ბერძნებს, იონელებს, ლიდიელებს, ახემენიდებს, მაკედონელებს, ვენეციელებს და გენუეზელებს. საბოლოოდ, ქალაქი ოსმალეთის იმპერიის ნაწილად იქცა, რომელმაც მას დღევანდელი სახელი მიანიჭა.

1970-იან წლებამდე კუშადასი იყო უბრალო თურქული თევზჭერის ქალაქი, ძირითადად ადგილობრივი მოსახლეობით დასახლებული და ტურისტებისთვის თითქმის უცნობი. 20-ე საუკუნის ბოლოს ქალაქმა შეიცვალა სახე – აშენდა ლუქს სასტუმროები, კაფეები, რესტორნები, მოვლილი პლაჟები და პრომენადები, რითაც კუშადასი პოპულარული კურორტი გახდა.

დღეს კუშადასი იდეალური ადგილია ოჯახური დასვენებისთვის, სადაც ნებისმიერ ასაკის სტუმარს შეუძლია სიამოვნება მიიღოს როგორც დასვენებით, ისე სხვადასხვა აქტივობებით და დაათვალიეროს ქალაქის მდიდარი ისტორიული მემკვიდრეობა.

გართობა და აქტივობები კუშადასში

კუშადასი ტურისტებს ყოველთვის საინტერესო არჩევანს სთავაზობს. ქალაქში არის კარგად განვითარებული ინფრასტრუქტურა: მაღაზიები, დაივინგის სკოლები, წყლის პარკები და ღამის კლუბები. სანაპიროზე გრძელი პლაჟებია, იდეალური დასვენებისა და ცურვისთვის. გთავაზობთ რამდენიმე აქტივობას:

საინტერესო ფაქტები

• კუშადასი მდებარეობს იზმირის აეროპორტიდან 70 კმ-ის, ხოლო ბოდრუმის აეროპორტიდან 150 კმ-ის დაშორებით, რაც მისვლას საკმაოდ მარტივს ხდის.
• "კუშადასი" თურქულად ნიშნავს "ფრინველის კუნძულს", სახელწოდება კი ქალაქში ერთ დროს მრავალი მტრედის არსებობას უკავშირდება.
• რეგიონში სხვადასხვა პერიოდში ცხოვრობდნენ ხეთები, ფრიგიელები, სპარსელები, ბერძნები, რომაელები, ბიზანტიელები, ჯვაროსნები და ოსმალები.
• "მტრედის კუნძული" კუშადასთან წყალზე აღმართული ხიდით არის დაკავშირებული და XV საუკუნეში ცნობილი თურქი მეკობრის, ბარბაროსას, სამხედრო ბაზა იყო.
• კუშადასის ყურეში ხშირად ჩერდებიან მდიდრული საკრუიზო გემები, რაც ქალაქს კოსმოპოლიტურ ხიბლს მატებს.
• ადალენდია უდიდესი აკვაპარკია ეგეოსის სანაპიროზე და ერთ-ერთი საუკეთესო მსოფლიოს ათეულში.
• აკვა ფანტაზი თურქეთის პირველი თემატური აკვაპარკია, რომლის ცენტრში ნამდვილი ზომის მეკობრის გემი მდებარეობს.

კლიმატი

კუშადასი გამოირჩევა წელიწადში დაახლოებით 290 მზიანი დღით, რაც ქალაქს თითქმის მთელი წლის განმავლობაში მზიან სამოთხედ აქცევს. მარტი, აპრილი და მაისის დასაწყისი განსაკუთრებით სასიამოვნოა – თბილი, მზიანი და კომფორტული, იდეალური დასვენებისა და ექსკურსიებისთვის. ზაფხულის თვეებში ჰაერის ტემპერატურა ადის 30°C-მდე, ხოლო ზღვის წყალი თბება 18°C-მდე, რაც ცურვისა და წყალქვეშა სპორტული აქტივობებისთვის იდეალურია.

კუშადასის პლაჟები

კუშადასის სანაპირო ხაზს მრავალი ლამაზი პლაჟი ამშვენებს, თითოეული თავისი უნიკალური ხიბლით.

შოპინგი კუშადასში

კუშადასი ნამდვილ სამოთხეს წარმოადგენს შოპინგისთვის. ქალაქში მრავლადაა სამკაულის მაღაზიები, ტყავისა და ტექსტილის ცენტრები, ბუტიკები და ბრენდული მაღაზიები. ტრადიციულ ბაზარში შეგიძლიათ იპოვოთ აღმოსავლური ტკბილეული, სუნელები, ზეთისხილის კოსმეტიკა, ხელნაკეთი სუვენირები და ჭურჭელი.

თუ ეძებთ ფასდაკლებებს, ქალაქის გარეთ, სოფელ სექესთან მდებარე Outlet Village–ში ბრენდული ნივთები შეგიძლიათ შეიძინოთ განსაკუთრებულ ფასდაკლებით.

ექსკურსიები კუშადასიდან

• ეფესი – კუშადასიდან სულ რაღაც 17 კმ-ში მდებარეობს. აქ შეგიძლიათ მოინახულოთ ძველი მსოფლიოს შვიდ საოცრებიდან ერთ-ერთი – არტემიდეს ტაძარი. ტერიტორია სავსეა კარგად შენარჩუნებული ძველი მონუმენტებით, მათ შორის ულამაზესი მარმარილოს პერგამონის ალტარით, რომელიც ზევსს ეთმობა და მოხატულია შთამბეჭდავი რელიეფებით. საინტერესო ფაქტი: ცნობილი თურქული ლუდი Efes სწორედ ამ ქალაქის სახელწოდებიდან იღებს სახელს.
• პამუკკალე – კუშადასიდან დაახლოებით 190 კმ-ში მდებარე "ბამბის ციხე" თვალწარმტაცი ბუნებრივი და კულტურული ძეგლია, რომელიც იუნესკოს მსოფლიო მემკვიდრეობის სიაშია. აქ შეგიძლიათ მოინახულოთ თეთრი ტრავერტინის ტერასები, განიტვირთოთ სამკურნალო მინერალური წყლით და დაათვალიეროთ ძველი ბერძნული ქალაქი იერაპოლისის ნანგრევები.