ანტალია – "თურქული რივერის" მთელ მსოფლიოში ცნობილი დედაქალაქი, შესანიშნავი არჩევანი შინაარსიანი და მრავალფეროვანი დასვენებისთვის. რეგიონის მთავარი უპირატესობებია განვითარებული ინფრასტრუქტურა, აეროპორტთან სიახლოვე, აქტიური ღამის ცხოვრება, უამრავი გასართობი და საინტერესო ღირსშესანიშნაობები. განსაკუთრებით რეკომენდებულია ტურისტებისთვის ლარას და კუნდუს რაიონები, სადაც პირველ სანაპირო ზოლზე მდებარეობს სრულიად ახალი 5 ვარსკვლავიანი სასტუმროები და უსუფთავესი ქვიშის პლაჟები, რომლებიც დაჯილდოვებულია ცისფერი დროშით, აგრეთვე მრავალი რესტორანი, ბარი, ღამის კლუბი, სავაჭრო ცენტრი და ბაზარი.
ანტალიის რაიონები
ანტალიის ტერიტორია დაყოფილია 5 რაიონად:
კონიაალტი – ქალაქის დასავლეთი უბანი, სადაც ტურისტებს ელოდება შესანიშნავი პლაჟები, განვითარებული ინფრასტრუქტურა, თვალწარმტაცი პარკები, აგრეთვე შესანიშნავი გასართობები ოჯახური დასვენებისთვის: აკვაპარკი, დელფინარიუმი და აკვარიუმი.
ლარა – ყველაზე აქტიური ტერიტორია, სადაც მუსიკა ჟღერს დილამდე.
მურატფაშა – საქმიანი და გასართობი უბანი, სადაც აგრეთვე კარგად არის განვითარებული ინფრასტრუქტურა, ბარები და რესტორნები მუშაობს დილამდე. სწორედ აქ მდებარეობს ძველი ქალაქი კოლორიტული ქუჩებით, უძველესი შენობებით, მეჩეთებითა და კოშკებით.
დეშემეალტი – კოლოროტული რაიონი, რომელიც ცნობილია თავისი ტრადიციული თურქული ბაზრით.
კეპეზი – მშვიდი რაიონი, სადაც მდებარეობს თანამედროვე სავაჭრო ცენტრები, ზოოპარკი და ცნობილი ჩანჩქერი უძველესი გამოქვაბულით.
აქსუ – ანტალიის ყველაზე ახალგაზრდა რაიონი, რომელიც გადაცემულია თანამედროვე ტურისტული განაშენიანებისთვის.
კლიმატი
ანტალიაში ჭარბობს ხმელთაშუა ზღვის სუბტროპიკული კლიმატი. რბილ, თბილ ზამთარში მოდის ბევრი ნალექი, ცხელ ზაფხულში კი კლიმატზე გავლენას ახდენს ტავრიული მთები, რომლებიც ქალაქის ტერიტორიას ნახევარწრედ აკრავს. ამის წყალობით ხმელთაშუა ზღვიდან მონაბერი ქარი ათბობს ქალაქს ზამთარში და ხელს უწყობს ტენიანობას მთელი წლის განმავლობაში.
ანტალიის უდიდესი სავაჭრო ცენტრები:
- Mark Antalya (ანტალიის ცენტრი)
- Antalya Migros Shopping Mall (კონიაალტი)
- Terra City (ლარა)
- Deppo Outlet Center Antalya & Mall of Antalya (კეპეზი)
- Agora (კეპეზი)
- Ozdilek Park (კეპეზი)
ანტალიის ღირსშესანიშნაობები:
- ანტალიის კოლორიტული ძველი ქალაქი - კალეიჩი უნიკალური არქეოლოგიური და ისტორიულ–კულტურული ძეგლებით.
- ანტალიის აკვარიუმი კონიაალტიში, სადაც, გარდა მრავალი თევზისა და მარჯნისა, არის გამოფენა "თოვლის სამყარო".
- აქვაპარკი "აქვალენდი" 6000 ადამიანზე, სადაც არის 9 სახის სხვადასხვა სირთულის გორაკი მოზრდილებისთვის, "ზარმაცი მდინარე", რამდენიმე აუზი, წყლის ქალაქი გამოქვაბულებით ბავშვებისთვის, აგრეთვე დელფინარიუმი – უდიდესი თურქეთში.
- დიუდენის ჩანჩქერები, რომელთაგან ზედა ცნობილია როგორც ალექსანდრე მაკედონელის ჩანჩქერი.
- არქეოლოგიური მუზეუმი, რომელსაც გახსნილია 13 დარბაზი ექსპოზიციით, რომელიც ეძღვნება ამ ადგილების ისტორიის თითოეულ პერიოდს – ნეოლითიდან ოსმალეთის იმპერიამდე.
- ანტალიის მიდამოებში არის ბევრი უძველესი ქალაქი უნიკალური ანტიკური ნანგრევებით.
- ასპენდოსი ცნობილი ქალაქი, რომელიც ძვ. წ. მე-4 საუკუნით თარიღდება. დღეს ასპენდოსში შეგიძლიათ ნახოთ რომაული ნაგებობების ნაშთები და უზარმაზარი რომაული თეატრის ნანგრევები, რომელიც 15000 ადამიანს იტევდა.
- თერმესოსი – დასახლება, რომელიც დააარსეს სოლიმებმა ძვ. წ. 1-ლ საუკუნეში. ქალაქი მთლიანად განადგურდა მიწისძვრის შედეგად 243 წელს. დღეს თერმესოსში არის რომაული თეატრის მცირე ფრაგმენტები, ქუჩის კოლონადები და სამი უძველესი ტაძრის ნანგრევები, რომლებიც ეძღვნებოდა ზევსს, არტემიდას და ჰერას.
- პერგე – ძველი პამფილიის დედაქალაქი. დღეს ოდესღაც ცნობილი ქალაქის ქუჩებში ნახავთ კოლონადებისა და უძველესი ტაძრების ნაშთებს.
- ფაზელი – ძველი ლიკიური პორტი, რომელიც დაარსდა ძვ.წ. VII საუკუნეში. დღეს ყველა ტურისტს შეუძლია ჩაატაროს საინტერესო ექსკურსია და დაათვალიეროს თეატრის, აკვედუკის, ტაძრების, კოლონადებიანი ქუჩის და ადრიანეს კარიბჭის ნანგრევები.
- სიდე – ძველი ბერძნული ქალაქი, რომელიც დღეს ბევრმა იცის, როგორც მდიდრული კურორტი ხმელთაშუა ზღვის სანაპიროზე. სიდეში შეგიძლიათ ნახოთ დიდმასშტაბიანი ბერძნული და რომაული ძეგლები: თეატრი, ტაძრების ნანგრევები, ტრიუმფალური თაღები და ქალაქის კედლების ფრაგმენტები.
- ოლიმპოსი – უძველესი ლიკიური ქალაქი, აშენებული ყურის ოდნავ ზემოთ. დღეს ტურისტებს შეუძლიათ ნახონ ციხის კედლების ნაშთები, კოლონადა, აგრეთვე პატარა თეატრის ნანგრევები.
- უძველესი ქალაქების გარდა, ანტალიაში არანაკლებ საინტერესო ობიექტების ნახვა შეგიძლიათ:
- ქიმერა – ცნობილი მთა, რომელიც ძველად შუქურების ორიენტირი იყო. ქიმერას ფერდობებზე ბუნებრივი ცეცხლი ანთია. ამ უნიკალური მოვლენის მიზეზი ბუნებრივი აირის გამოსვლაა.
- ჩანჩქერი კურშუნლუ მდებარეობს ბუნების ეროვნულ პარკში „ტაბიატში“. ჩანჩქერი ცნობილია იმით, რომ წყლის ფერი შეიძლება განსხვავდებოდეს ზურმუხტისფერი მწვანედან ნაცრისფერამდე ამინდის მიხედვით. გაზაფხულზე და შემოდგომაზე კურშუნლუ განსხვავებულად გამოიყურება: წვიმიან სეზონზე ჩანჩქერი პატარა ნაკადულებიდან წყლის უზარმაზარ კედლად იქცევა.
რა უნდა გააკეთოთ ანტალიაში?
- გადმოხედეთ ქალაქს ტუნეკტეპეს მთაზე (605 მ) მდებარე დასათვალიერებელი ბაქნიდან და იქიდან გაისეირნეთ საბაგირო გზით.
- გაერთეთ დილამდე ლარას ღამის კლუბში.
- მიიღეთ ადრენალინის მუხტი – ჯერ ისრიალეთ წყლის გორაკებზე, შემდეგ კი დელფინზე "აქვალანდში".
- იგრძენით თავი ძველ რომაელად ასპენდოსის თეატრში გამართულ სპექტაკლზე.
- გაისეირნეთ უძველესი პერგეს ანტიკურ ქუჩებში.
- გაისეირნეთ აქლემზე ჭადრებში, ზეთისხილებში და წიწვოვან ხეებში პარკ „ტაბიატში“.
- გაემგზავრეთ იახტით დიუდენის ჩანჩქერებთან და დავდგეთ მთასთან სიახლოვეს წყლის კედლის უკან.
- გადაიღეთ სურათები ცნობილი ისტორიული მოღვაწეებისადმი - მუსტაფა ქემალ ათათურქისადმი და მე-13 საუკუნის სელჩუკთა მმართველის ალა-ად-დინ კეი-კუბად I–სადმი მიძღვნილი ძეგლებს.
- გაეცანით უძველესი ადამიანების საცხოვრებელ პირობებს, რომლებიც 200-150 ათასი წლის წინ ცხოვრობდნენ, კარაინის მღვიმეში და არქეოლოგიურ მუზეუმში.
- დაათვალიერეთ ქვიშის ქანდაკებები საერთაშორისო ფესტივალზე.
- შეაფასეთ ფეხბურთისა და ხელბურთის მატჩები ანტალიის არენაზე.
- ნახეთ თურქეთის ეროვნული ჭიდაობა ზეთში ყოველწლიურ პირველობაზე.
- ეწვიეთ ანტალიის საერთაშორისო კინოფესტივალს (ადრე ერქვა "ოქროს ფორთოხალი"), სადაც გამარჯვებულებს გადაეცემათ ვენერას მოოქროვილი ქანდაკება ხელში ფორთოხლით.
- წადით საყიდლებზე თურქულ ბაზარში ან ერთ-ერთ უზარმაზარ სავაჭრო ცენტრში, სადაც მაღაზიების გარდა ბევრი კაფე და რესტორანი, აგრეთვე კინოთეატრები და სათამაშო მოედნებია.
მყვინთაობა
ანტალია ხმელთაშუა ზღვის სანაპიროზე ყვინთვისთვის ერთ-ერთი საუკეთესო ადგილია. ქალაქში მუშაობს მყვინთავების რამდენიმე სკოლა და აღჭურვილობის დაქირავებას თითქმის ყველა სანაპიროზე გთავაზობენ.
ანტალიაში მდებარეობს ცნობილი ჩაძირული ფრანგული გემი სან–დიდიე, ამერიკული სამხედრო თვითმფრინავი, ანტიკური გემი გელიდონია და სპეციალურად ჩაძირული თურქეთის საჰაერო ძალების თვითმფრინავი. წყალქვეშა ფლორა და ფაუნა ასევე უნიკალურია: კლდოვან წარმონაქმნებზე, პატარა კუნძულებთან და წყალქვეშა გამოქვაბულებში გვხვდება მურენა, თინუსი, კუ და დელფინებიც კი.
