გეოგრაფიული ინფორმაცია
ტაილანდი მდებარეობს სამხრეთ აზიაში. ვქეყნის მონახაზები ჰგავს სპილოს თავს, სადაც თვალები - ბანკოკია, ხორთუმი კი - სამხრეთი, რომელთაგან ორივე მხრიდან განთავსებულია ყველაზე პოპულარული კურორტები.მ ას ჩრდილოეთით ესაზღვრება ლაოსი და ბირმა (მიანმა), აღმოსავლეთით ლაოსი და კამბოჯა, სამხრეთით ტაილანდის ყურე და მალაიზია, ხოლო დასავლეთით ანდამანის ზღვა და ბირმა. ტაილანდის რელიეფი ძალიან მრავალფეროვანია - აქ არის მთები ბორცვებითა და კლდეებით. გასაკვირი არაა, რომ აქ დაახლოებით 70 ეროვნული პარკი და ნაკრძალია. ტაილანდში ბევრი დიდი და პატარა კუნძულია, რომელთაგან ყველაზე დიდია პხუკეტი, ჩანგი და სამუი.
მოკლე ისტორია
ქვეყნის ისტორია სათავეს იღებს, მას შემდეგ, რაც 1238 წელს დაარსდა სახელმწიფო სუკოტაი. მისი მემკვიდრე იყო სახელმწიფო აიუთია, რომელიც დაარსდა 1350 წელს და იარსება 1767 წლამდე. ტაილანდის კულტურაზე ძლიერი გავლენა იქონია ჩინეთმა და ინდოეთმა. XVIII საუკუნეში სიამი განიცდის ბირმის ტერიტორიაზე მდებარე სახელწიფოებიდან თავდასხმას, რომელიც შეაჩერეს ტაქსინმა (1768-1782 წწ.) და პრა ბუდჰა იოდფა ჩულალოკემ, რომელიც ტაქსინის გარდაცვალების შემდეგ ტახტზე ადის რამა I-ის (1782-1809 წწ.) სახელით და აარსებს ჩაკრის დინასტიას. მისი მემკვიდრეების რამა IV-ისა (1851-1868 წწ.) და რამა V-ის (1868-1910 წწ.) წყალობით ტაილანდი სამხრეთ-აღმოსავლეთ აზიის ერთადერთი ქვეყანაა, რომელიც არ ყოფილა კოლონიზებული, თუმცა ტაილანდი იძულებული გახდა დაეტოვებინა სამხრეთის სამი პროვინცია, რომლებიც შემდეგ შევიდნენ მალაიზიის შემადგენლობაში, რაც გამოწვეული იყო დიდი ბრიტანეთის ინტერესებით.
ტაილანდი არასოდეს ყოფილა კოლონია. ამის ერთ-ერთი მიზეზი იყო კოლონიური იმპერიების სურვილი ტაილანდი დარჩენილიყო ბუფერად დიდი ბრიტანეთისა და საფრანგეთის ოკუპირებულ ტერიტორიებს შორის. 1896 წლის ინგლისურ-ფრანგული შეთანხმებით აღიარებულ იქნა სიამის დამოუკიდებელი ბუფერული სახელმწიფო. სიამის რევოლუციის შემდეგ, 1932 წლიდან ტაილანდი კონსტიტუციური მონარქიაა. ქვეყანამ სახელწოდება ტაილანდი მიიღო 1939 წელს. მეორე მსოფლიო ომის დროს ოკუპირებული იყო იაპონიის მიერ. ომის დასრულების შემდეგ ტაილანდი აშშ-ის მოკავშირეა. 1947 წელს სამხედროებმა ჩაიგდეს ძალაუფლება. სამოქალაქო მთავრობა - შეიქმნა 1983 წელს. 1991 წელს კვლავ სამხედროების მმართველობა დამყარდა, რომლებმაც არალეგიტიმური არჩევნები ჩაატარეს.
ტაილანდის მზის კალენდარი სათავეს იღებს ბუდიზმის ჩამოყალიბების პერიოდიდან და გრიგორის კალენდრისაგან განსხვავდება 543 წლით. მაგალითად, 2015 წელი არის ტაილანდის კალენდრით 2558 წელი. 2004 წლის 26 დეკემბერს ტაილანდის სამხრეთ-დასავლეთ სანაპიროზე მიწისძვრის შედეგად წარმოიქმნაცუნამი, რომლის შედეგად ქვეყანაში დაიღუპა 5000 ადამიანი, მათი 50 % იყო ტურისტი.
2006 წლის 19 სექტემბერს ტაილანდში მოხდა სახელმწიფო გადატრიალება (1932 წლიდან მე-18), რომელმაც დაამხო პრემიერ-მინისტრ ტაქსინ ჩინავატის მთავრობა. 2014 წელს კიდევ ერთი სამხედრო გადატრიალება განხორციელდა, გადატრიალებას სათავეში ედგა სამეფო არმიის მთავარსარდალი, პრაიუთ ჩან-ოჩა. მან დაამხო ნივათჰუმრონგ ბუნსონპაისანის მთავრობა და ასრულებს პრემიერ-მინისტრის მოვალეობას.
ენა და რეიგია
ოფიციალური ენა – ტაილანდური.
სახელმწიფო რელიგია – ბუდიზმი.
ტაილანდის ხალხური ცხოვრება სავსეა თანაგრძნობით ყველა ცოცხალი არსების მიმართ - ცხოველებზე ზრუნვა, მშვიდი დამოკიდებულება ბავშვების მიმართ, სტუმართმოყვარეობა ტურისტების მიმართ. ყველაზე იზოლირებულ ტროპიკულ კუნძულზეც კი შეგიძლიათ იპოვოთ პატარა ტაძარი. დიდ ქალაქებში არსებობს სულიერი განვითარების მრავალი ცენტრი, რომელთა უმეტესობა ღიაა უცხოელებისთვის. ტაილანდური ენა წარმოუდგენლად მელოდიურია. უცხოელებთან კომუნიკაცია რთული არ არის: საკურორტო ადგილებში, ადგილობრივმა მოსახლეობამ იცის ინგლისური, ზოგიერთ ადგილას კი რუსულიც.
სამზარეული
ტაილანდის სამზარეულო – ითვლება მსოფლიოში ერთერთ საუკეთესო სამზარეულოდ. გამოირჩევა ცხარე და მრავალფეროვანი კერძებით. ნაციონალური კერძია წვნიანი ტომ იამი – ჩილის წიწაკის სუპი.ხორცის ან თევზის ბურთულები, ტარაკნები, ბლინები, სხვადასხვა სასუსნავები, ხილი ან ახლად გამოწურული წვენები ბანკოკის ქუჩებში ყველაზე ხშირად შეგხვდებათ. აქ ყველგან ნახავთ ქოქოსს და ქოქოსის რძეს, ჩილი წიწაკასა და ბრინჯს.
ქუჩის საკვები ყოველთვის ახალია და მისი შეძენა არ არის საშიში (განსაკუთრებით ტურისტულ ადგილებში). რაც მთავარია ყველაფერი ძალიან სუფთად და თქვენს თვალწინ მზადდება.
ტრანსპორტი
ტრანსპორტი ტაილანდში მრავალფეროვანია, სახეობათა არც ერთი დომინანტით. საავტობუსო ტრანსპორტი დომინირებს დიდ მანძილზე ბანგკოკში, სასოფლო არეალებში შორ მანძილზე დომინირებს მოტოციკლი. ბანგკოკში საზოგადო მოტოციკლის ტაქსებს ხალხი მიჰყავს სახლის კარამდე. სარკინიგზო მატარებელი მოძრაობს სოფლის არეალებში. ბანგკოკში არის ტაქსების აუარებელი რაოდენობა. ბოლო ხანებში ხალხის მოზღვავება შეინიშნება საჰაერო ტრანსპორტზე, საქალაქო რკინიგზასა და კერძო ავტომობილებზე. განსაკუთრებით ტურისტებს შორის. სანავიგაციო არეალებში ყოველთვის არის სანაოსნო მომსახურება.
მრავალი სიახლეა ტრანსპორტის არსებობაში, შემოდის ასეთი სახეობები როგორიცაა ტუკ-ტუკი ეს არის გათანამედროვებული, ძრავიანი რიქშა, ასევე, სპილოები სასოფლო ადგილებში და სხვა.
დრესასწაულები
თებერვლის პირველი პარასკევი - ყვავილების ფესტივალი ქალაქ ჩიანგმაიში.
თებერვლის დასაწყისი - ჩინური ახალი წელი, აღინიშნება მთელი ქვეყნის მასშტაბით.
აპრილი - სონგკრანი, ტაილანდური ახალი წელი, ძირითადად მოიცავს ქუჩაში წყლით წუწაობას.
ნოემბერი, სავსე მთვარე - ლოი კრატონგი, "ლოი" ცურვას ნიშნავს, ხოლო "კრატონგ" ბანანის ფოთლებისგან დამზადებული სხვადასხვაფრად მორთული პატარა ნაჭერია, რომელსაც ღამით, ანთებულ სანთლებთან და არომატულ ჩხირებთან ერთად მილიონობით ტაილანდელი და ტურისტი ერთდროულად უშვებს მდინარისა თუ ტბის ზედაპირზე.
5 დეკემბერი - მეფის დაბადების დღე, ოფიციალური დასვენების დღე, ტარდება პარადები და კარნავალი.
მედიცინა
მედიცინა ტაილანდში, რომელიც აერთიანებს დასავლეთის ტექნოლოგიას და აღმოსავლეთის ტრადიციებს, ძალიან მაღალ დონეზეა განვითარებული. აქ სპეციალურად ჩამოდიან ჯანმრთელობის მდგომარეობის გასაუმჯობესებლად. მაგრამ ტურისტებმა წინასწარ უნდა იზრუნონ ჯანმრთელობის დაზღვევაზე.
სასწრაფო დახმარების საკონტაქტო ნომრები
- ტურისტული პოლიცია - 1155
- სასწრაფო სამედიცინო დახმარების, სახანძრო სამსახურის და პოლიცის საერთო ნომერი - 191
- საგზაო პოლიცია - 1193
- საქართველოს საელჩო ინდოეთში +91 405 01 424
მისამართი: 169, Jor Bagh, New Delhi, 110003, India
რეკომენდაციები ტურისტებისთვის
- - გაიღიმეთ! როგორც წესი, ტაილანდელები მშვიდი, მომთმენი, მეგობრულები არიან და ნებისმიერ სიტუაციაში ცდილობენ "შეინარჩუნონ სახე".
- ბუდას ყველა ქანდაკება ითვლება წმინდად და არ შეიძლება მათზე აძვრომა ფოტოების გადასაღებად (ისჯება მკაცრად).
- ადამიანის თავი ითვლება სხეულის ყველაზე წმინდა ადგილად და არ შეიძლება შეხება.
- შორტები დაშვებულია მხოლოდ პლაჟზე და სასტუმროებში. სახლებში და ტაძრებში შესვლისას აუცილებლად ფეხზე უნდა გაიხადოთ. ქალებს ტაძრებსა და სამეფო სასახლეში შესვლისას აუცილებლად უნდა ეცვათ მკლავებდახურული ტანსაცმელი.
- არ შეიძლება სამეფო ოჯახის კრიტიკა.
- ქუჩის დანაშაულებები თითქმის არ არსებობს, მაგრამ მაინცდაიცავით უსაფრთხოების წესები.
