ვადუვა

ვადუვა მდებარეობს შრი-ლანკის სამხრეთ-დასავლეთ სანაპიროზე, კოლომბოდან სამხრეთით 35 კილომეტრში. იძახიან, რომ წარსულში Wadduva იყო ცნობილი ადგილობრივი ექიმების - veda doova - დიდი რაოდენობით, საიდანაც მოგვიანებით წარმოიშვა ქალაქის სახელწოდება - Wadduva. ამჟამად ეს ადგილი ცნობილია ქოქოსის ხეების, კაუჩუკის და დარიჩინის ფართო პლანტაციებით. Wadduwa არის პატარა, მაგრამ მომხიბლავი ქალაქი, რომელიც ტურისტებს იზიდავს პლაჟების ოქროს ქვიშით. საკურორტო ზონაში წარმოდგენილია სასტუმროები კატეგორიით სამიდან ხუთ ვარსკვლავამდე. ეს შესანიშნავი ადგილია ნავით მოგზაურობისთვის, ოკეანეში ცურვისთვის, წყლის სპორტისთვის.

ტურისტებისთვის კომფორტს უზრუნველყოფს მყუდრო სასტუმროები, მრავალი მაღაზიები, რესტორნები და კაფეები. აქვე არის დაივინგის ცენტრი.

ვადუვა- ში შეგიძლიათ დაბინავდეთ 9 სასტუმროდან ერთში. რესპეკტაბელური მომხმარებლები უპირატესობას ანიჭებენ 5* სასტუმროებს: Blue Water და Serena Pavilions. აიურვედას მიმდევრები ირჩევენ სასტუმრო Siddhalepa Ayurveda 4*.მაგრამ Villa Ocean View 4* სასტუმრო ითვლება,როგორც ერთ-ერთი ყველაზე ფასით ხელმისაწვდომი.

დაახლოებით 40 ბუდისტური ტაძარი მოგცემთ საშუალებას, რომ აღმოჩნდეთ სიმშვიდისა და ჰარმონიის ჯადოსნურ ატმოსფეროში, განსაკუთრებული მნიშვნელობით გამოირჩევა პრიიდარშანარამაიეს ტაძარი. აქვე ძალიან ახლოს მდებარეობს საკურორტო ქალაქი კალუტარა, რომელიც განლაგებულია ბუდისტური ტაძრის განგატილაკა ვიჰარა- ს გარშემო. აქვე არის საინტერესო სახლი - რიჩმონდის ციხე, ბრიტანული და ინდური არქიტექტურის უცნაური სინთეზი.

კიდევ ერთი ახლომახლო ადგილია ჰამბანტოტა, მეთევზეების ქალაქი, რომელიც ამოსავალი ადგილია უდავალავეს ეროვნულ პარკებში, იალაში, ბუნდალაში სამოგზაუროთ.

ათასობით მორწმუნე მთელი მსოფლიოდან სტუმრობს კატარაგამას. ბუდისტებისთვის, მუსლიმებისთვის და ინდუისტებისთვის ეს ადგილი ითვლება წმინდად. ქალაქის ჩრდილოეთ მხარეს მდებარეობს ბუდისტური ტაძარი კირი ვაჰარა, მუსლიმური საკურთხეველი მასჯიდ-ულ ხიზრი და უნდუისტური ტაძარი - კატირკამამი.

კურორტის მთავარი მიმზიდველობა მისი მეგობრული და სტუმართმოყვარე მოსახლეობაა, რომელსაც ტურისტები "მომღიმარ ხალხს" უწოდებენ.