ნეგომბო (Negombo, "თაფლის სოფელი") პოპულარული ტურისტული კურორტია, რომელიც კოლომბოდან დაახლოებით 40 კილომეტრში მდებარეობს. თუმცა, ნეგომბო საინტერესოა არა მხოლოდ მისი მშვენიერი პლაჟებით, არამედ მისი მდიდარი ისტორიითა და კულტურით.
მთავარი ტურისტული ღირსშესანიშნაობა - გრძელი თვალწარმტაცი ქვიშიანი პლაჟი - მდებარეობს ქალაქის ცენტრიდან ჩრდილოეთით. აქ ბევრი კომფორტული სასტუმრო აშენდა და უამრავ გასართობსაც ნახავთ , როგორც ხმელეთზე, ასევე წყალზე: ვინდსერფინგი, დაივინგი.
ნეგომბო თევზებისა და ზღვის პროდუქტების მოყვარულთა პოპულარული ადგილია. ადგილობრივ ყურეში მეთევზეები იჭერენ წარმოუდგენელი რაოდენობის ლობსტერებს, კრაბსა და კრევეტს. სანაპიროზე მდებარეობს მრავალი ტავერნა, სადაც ყველა ამ ზღვის პროდუქტები მზადდება ცეცხლზე.
ნეგომბო -კათოლიციზმის ცნობილი ცენტრია კუნძულზე (მას უწოდებენ "პატარა რომსაც"). გასაკვირი არ არის, რომ ქალაქში უამრავი ეკლესია და ტაძარია, რომელთაგან ყველაზე დიდი და თვალწარმტაცი წმინდა მარიამის ტაძარია.
გარდა ამისა, აქ შეგიძლიათ დროში მოგზაურობა მოიწყოთ, ნახოთ 1672 წელს აშენებული ჰოლანდიური ციხის ნანგრევები, ჰოლანდიური არხი, უძველესი ეკლესიები და სასაფლაოები და თევზის ბაზარი.

















