ბერუველა მდებარეობს კუნძულის სამხრეთ-დასავლეთ სანაპიროზე, კოლომბოდან 58 კილომეტრში და ცნობილი ტურისტული კურორტი ბენტოტასგან 5 წუთის სავალზე. ბერუველა იყო პირველი მუსულმანური დასახლება შრი-ლანკაში, რომელიც დაარსდა არაბთა ვაჭრების მიერ VIII საუკუნეში. იძახიან, რომ შუქურის მახლობლად მდებარე უძველესი მეჩეთი აშენდა იმ ადგილას,სადაც ვაჭრები კუნძულზე პირველად გადმოვიდნენ.დღესდღეობითაც, მეჩეთი ისევ ყურადღების ცენტრშია ყოველ წლიური რელიგიური დღესასწაულების დროს. ბერუველას მიმდებარე ტერიტორიაზე ასევე მდებარეობს უძველესი ტაძარი Kande Viharaya, რაც ნიშნავს - მთის მწვერვალზე მდებარე ტაძარი.
ქალაქის მოსახლეობა თევზაობით არის დაკავებული. ბერუველას ნავსადგურში 400-ზე მეტი ნავია, რომელთა ნაწილი საკმაოდ დიდია და ხშირად რამდენიმე თვით ზღვაში გადიან.
ბერუველას სანაპირო ცნობილი საკურორტო ზონაა. აქ განლაგებულია მრავალი სასტუმრო კატეგორიით სამიდან ხუთ ვარსკვლავამდე. ყურე იდეალური ადგილია ცურვისთვის. წყლის სპორტის სახეობების ცენტრი - Confifi Marina გთავაზობთ დაივინგს, სნორკლინგს, ვინდსერფინგს, ბანანზე და სკუტერზე კატაობას. სანაპიროს მახლობლად განლაგებულია პატარა კუნძული, რომელზეც მდებარეობს შუქურა, რომელზეც წინასწარ დაქირავებული ნავით შეგიძლიათ მოაწყოთ საინტერესო ექსკურსია.
