დრო
თბილისის დროს + 1,5 საათი.
სამზარეულო
შრი ლანკას სამზარეულო ინდურის მსგავსია, რაც გასაკვირი არ არის, რადგან ქვეყნები ერთმანეთისგან განცალკევებულია პოლკის ვიწრო სრუტით. შრი ლანკელები, როგორც ინდოელები, მიირთმევენ უამრავ ბრინჯს, თევზს, მწვანილს, სანელებლებს. ქოქოსის ფანტელები, წვენი და ქოქოსის ზეთი, ისევე როგორც პალმის ნექტარი (treacle) გამოიყენება ბევრ კერძში. უმბალაკადა (umbalakada), მშრალი თევზის ფხვნილი, რომელსაც ემატება გემოვნებისთვის კარი- ძალიან პოპულარულია. ჩვეულებრივ, ყველა კერძი ძალიან ცხარეა, ამიტომ შეკვეთისას უმჯობესია ითხოვოთ უფრო ევროპული, არც ისე ცხარე ვერსია.
ვალუტა
ოფიციალური ვალუტაა რუპი. 1 შრი-ლანკის რუპი = 100 ცენტს. მიმოქცევაში მოცემულია 10, 20, 50, 100, 500, 1000, 5000 რუპიის ნომინალის კუპიურები. აგრეთვე მონეტები 10, 25, 50 ცენტის და 1, 2, 5, 10 რუპიის ნომინალით. მიზანშეწონილია ფულის გაცვლა კოლომბოს აეროპორტში (საუკეთესო კურსი). ვალუტის გაცვლისას მიღებული ჩეკი უნდა ინახებოდეს მოგზაურობის დასრულებამდე. შემდეგ, კოლომბოს დატოვებისას, აეროპორტის ბანკში შეგიძლიათ გადაახურდავოთ დარჩენილი ფული, შეძენის კურსით. აკრძალულია ეროვნული ვალუტის გატანა.
ენა და რელიგია
შრი-ლანკაში ოფიციალური ენებია ინგლისური, სინჰალური და ტამილური. ძირითადი რელიგიებია ბუდიზმი, ინდუიზმი, ქრისტიანობა, ისლამი. მკვიდრთა უმეტესობა (დაახლოებით 70%) ბუდიზმის მიმდევარია, ძირითადად სინჰალები. ტამილები ინდუიზმის მიმდევრები არიან (15%).
ტრანსპორტი
საზოგადოებრივი ტრანსპორტი კუნძულზე - რკინიგზა და ავტობუსია. ქალაქში გადაადგილებისთვის უმჯობესია ადგილობრივი ტაქსის - ტუკ-ტუკის - სამ ბორბლიანი სკუტერის აყვანა, რომელიც ძალიან იაფი ღირს.
მედიცინა
სანაპიროზე დასასვენებლად სპეციალური აცრები საჭირო არ არის. თუ გეგმავთ მოგზაურობას ჯუნგლებში, წინასწარ უნდა იზრუნოთ საკუთარ თავზე და მიიღოთ მალარიის საწინაამღდეგო აბები. გარდა ამისა, ეროვნული პარკებისა და ნაკრძალის მონახულებისას აუცილებლად გამოიყენეთ მწერებისგან დამცავი საშუალებები. ექიმთან მიმართვის შემთხვევაში, გამოიყენეთ დაზღვევის პოლისი, რომელიც გადმოგეცათ ტურის შეძენისას.
სასარგებლო რჩევები
- ბუდისტური ან ინდუისტური ტაძრების მონახულებისას არ არის რეკომენდირებული შორტების ჩაცმა ისევე როგორც ტანსაცმლის შიშველი მხრებით და ზურგით.
- ტაძრის შესასვლელთან უნდა გაიხადოთ ფეხსაცმელი და ქუდი.
- ზოგიერთ სასტუმროში არ არის დაშვებული რესტორანში შესვლა შორტებით ან საცურაო კოსტუმებით.
- ყურადღებით დააკვირდით ფასებს და გადათვალეთ ხურდა.
