ისტორიული ცნობები
საბერძნეთი - მითების და ლეგენდების სამშობლოა, ევროპული კულტურის აკვანი. ჯერ კიდევ ჩვენს წელთ აღრიცხვამდე პირველ ათასწლეულში, მისი ტერიტორია გაყოფილი იყო მაღალგანვითარებულ ქალაქ - სახელმწიფოებს შორის. მოგვიანებით ის შედიოდა რომის იმპერიის შემადგენლობაში, იყო აღმოსავლეთში ახლადმოსული ქრისტიანობის საყრდენი, მოგვინებით მართავდნენ ვენეციელი მმართველები, შემდეგ თურქები.
1831 წელს საბერძნეთმა მოიპოვა დამოუკიდებლობა, ხოლო 1981 წელს შევიდა ევროკავშირში. საბერძნეთში არის იუნესკოს დაცვის ქვეშ მყოფი 17 ობიექტი, როგორებიცაა: ათენის აკროპოლისი, მეტეორას მონასტრები, ძველი ქალაქი კორფუ, ათონის მთა, ძველი ქალაქის - დელფის ნანგრევები და სხვანი.
ენა და რელიგია
ქვეყნის სახელწიფო ენა - ბერძნული. სასტუმროებსა და დიდ მაღაზიებში პერსონალი კარგად საუბრობს ინგლისურ, ზოგჯერ გერმანულ და ფრანგულ ენებზე. საბერძნეთის მოსახლეობის 98% ბერძნული მართლმადიდებლური ეკლესიის მრევლია.
სამზარეულო
ბერძნული სამზარეულო მარტივი, ჯანსაღი და არაპრეტენზიულია: ახლად დაჭერილი თევზი, საოჯახო წარმოების ყველი, არატკბილი იოგურტი, ველური მწვანილი, მაცდური ზეთისხილი და, რაღა თქმა უნდა, ზეითუნის ზეთი. ფართოდ გამოიყენება ამ ნაყოფიერი მიწის ახალი ბოსტნეული და ხილი: ტკბილი პომიდორი, გრძელი მწვანე წიწაკა, მჟავე ლიმონი, ქორფა ყაბაყი და ბადრიჯანი, წვნიანი ნესვი, ყურძენი და ლეღვი.
გასაკვირი არ არის, რომ ადგილობრივი სამზარეულოს სიმბოლოა ბერძნული სალათი და ოჯახის ღვინო. ხორცი - ჩვეულებრივ გამოიყენება ცხვრის ან ღორის - ბერძნულ სამზარეულოში გვხვდება ჩაშუშული, გამომცხვარი ან მწვადის სახით. ქვეყანაში კვების ობიექტის ყველაზე გავრცელებული ფორმაა საოჯახო ტავერნა, რომელსაც, ხშირად, მეგობრული, დიდი ოჯახი მართავს. პოპულარულია ბერძნული სწრაფი კვების "ერძი" - გიროსი, სადაც ძირითადი კომპონენტია ხორბლის ფქვილით დამზადებული უსაფუარო ბლითი - პიტა. მას ოდნავ დაბრაწავენ ორივე მხრიდან, შემდეგ კი ჭრიან ისე, რომ მიიღონ ‘’ ჯიბე’’ და ავსებენ დაჭრილი ბოსტნეულით და დაბრაწული ხორცის ნაჭრებით და ბოლოს ამატებენ იოგურტის სოუსს.
ტრანსპორტი
ქვეყანაში ფუნქციონირებს ერთი სატრანსპორტო საავტობუსო კომპანია - KTEL, რომელიც კონტროლირდება სახელმწიფოს მიერ და სთვაზობს მგზავრებს კომფორტულ პირობებს მოგზაურობისთვის. ბილეთების შეძენა შესაძლებელია გაზეთების ჯიხურებში, ჯარიმა უბილეთოდ მგზავრობისთვის ძალიან მაღალია. გზის პირას და ასევე სპეციალურ გაჩერებებზე შესაძლებელია ტაქსის დაქირავება, მგზავრობის ღირებულება განისაზღვრება ფიქსირებული ტარიფით ან მრიცხველის ჩვენების მიხედვით.
ღამის საათებში (შუაღამიდან - დილის ხუთ საათამდე) და სადღესასწაულო დღეებში მოქმედებს ორმაგი ტარიფი. კუნძულებს შორის გადაადგილება შესაძლებელია ბორანის ან "რაკეტის" მეშვეობით. განვითარებულია ადგილობრივი ავიასფერო საკმაოდ გაანვითარებულია და ყველა მსხვილ კუნძულზე არის აეროდრომი. რკინიგზის სადგურებზე, აეროპორტებში და მსხვილსასტუმროებსა და გაქირავების კომპანიებში შესაძლებელია ავტომანქანის დაქირავება. მანქანების გაქირავების სერვისი ასევე აქვთ როგორც საერთაშორისო, ისე ადგილობრივ კომპანიებს. მომსახურების ღირებულება მათ აქვთ უფრო დაბალი, თუმცა ხარისხი უფრო დაბალი. ძირითადი პირობებია - მართვის საერთაშორისო მოწმობა, ტარების გამოცდილება არანაკლებ ერთი წელისა და 21 წლის ზემოთ ასაკი. მაგისტრალებზე მაქსიმალური დასაშვები სიჩქარეა 120 კმ/სთ, დასახლებულ პუნქტებში კი- 50 კმ/სთ.
დღესასწაულები
საბერძნეთში ბევრი რელიგიური და სახელმწიფო დღესასწაულია, მათ შორის ყველაზე მნიშვნელოვანი არასამუშაო დღეებია. კარნავალების სეზონია - თებერვლი - მარტი. ამ პერიოდებში იმართება პარადები სამასკარადო კოსტიუმებში, ხალხური ცეკვის კონკურსები და ხმაურიანი ორგიები. საბერძნეთის მართმადიდებლური ეკლესია გრიგორინული კალნდრის მიხედვით მოღვაწეობს და ზოგიერთ დღესასწაულს აღნიშნავს უფო ადრე, ვიდრე საქართველო.
- 1 იანვარი - აალი წლის პირველი დღე, ასევე წმინდა ვასილის დღე, ბერძნების მიერ ეს პატივსაცემი წმინდანი ითვლება ღარიბთა მფარველად.
- 6 იანვარი - ნათლისღება ღვთისა, რომელსაც უწოდებენ "ფოტას"- ს, - სიტყვასიტყვით ითარგმნება როგორც "ცეცხლები".
- 8 იანვარი - გინაიკრატია, დღესასწაული, როდესაც ქალბატონები სტუმრობენ კაფეებსა და რესორნებს, ხოლო მამაკაცები მათ ნაცვლად ყველა საშინაო საქმეებს აკეთებენ.
- 25 მარტი - საბერძნეთის დამოუკიდებლობის დღე.
- აღდგომა (მარტი- აპრილი) - წლის ყველაზე მნიშველოვანი დღესასწაული. აღდგომამდე ორი დღით ადრე დაშვებულია ყველა დროშა, ცხოვრება თითქოს და გაჩერებულია. ბერძნები მარხულობენ, შაბათს კი იწყება საღვთო მსახურება. ტაძარში ერთადერთი სანთლიდან ანთებენ სხვა დანარჩენ სანთლებს. შუაღამეს მთელი ქვეყანა ხვდება შეძახილებით - "ქრისტე აღდგა" და "ჭეშმარიტად აღდგა!"
- 1 მაისი - შრომის დღე.
- ღამე 23 - დან 24 ივნისზე - ზაფხულის სეზონის შუა ღამეა, სიყვარულის ჯადოსნური დღესასწაულია.
- 15 აგვისტო - ზაფხულის აღდგომა, ღვთისმშობლის მიძინების დღეა.
- 26 ოქტომბერი - დიმიტრი სოლონსკის ხსენების დღეა. ის ქალაქ სალონიკის მფარველი წმინდანია. წმინდანის საპატივცემულოდ ყოველწლიურად ქალაქში იმართება კარნავალი.
- 25 დეკემბერი - იესო ქრისტეს შობა. ამ დღესასწაულზე ტრადიციულად ამზადებენ ტოლმას (დოლმადეს), რომელიც საფენებში გახვეული იესო ქრისტეს სიმბოლოა.
საგანგებო სამსახურების ტელეფონის ნომრები
- პოლიცია – 100
- სასწრაფო დახმარება – 166
- სახანძრო – 199
- მორიგე აფთიაქები – 107
- მორიგე საავადმყოფოები – 106
- ტურისტული პოლიცია – 171
სამედიცინო მომსახურება
ყველა სამედიცინო მომსახურება საბერძნეთში ფასიანია. თუ თქვენ დაგჭირდებათ ექიმის მომსახურება - ისარგებლეთ სამოგზაურო დაზღვევით, რომელიც გადმოგეცათ ტურისტული პაკეტის შეძენისას.
სასარგებლო რეკომენდაციები
- ბერძნები - ძალზედ ზანტი ხალხია და ყველაფერი ამ ქვეყანაში კეთდება ‘’სიგა - სიგა’’ - ნელა და მსუბუქი დატვირთვით. არ ღირს იმედი იქონიოთ პერსონალის სისწრფეზე და პუნქტუალობაზე.
- თუ ბერძენი დაგპირდებათ რაიმეს გაკეთებას ხვლ ‘’ავარიო’’ - ეს ნიშნავს, რომ მიიღეთ თავაზიანი უარი ან ადგილი აქვს მოცემული მოვლენის განუსაზღვრელი დროით გადატანა.
- პატივისცემა იქონიეთ მოხუცების მიმართ და არ ისაუბროთ ბერძნებთან ცუდი საბერძნეთზე- მიუხედავად იმისა, რომ ისინი მძაფრად აკრიტიკებენ თავიანთ ქვეყანას, თუმცა ისინი ვერ შეეგუებიან უცხოელის მიერ თავიანთი სამშობლოს გაკრიტიკებას.
- იურთიერთეთ თავაზიანად და მეგობრულად - ბერძნებს არ უყვართ ცივი და ამპარტავანი ხალხი, თავშეკავებული ყველაფერში.
- მონასტრების მონახულებსას აუცილებლად შეიმოსეთ დახურული ტანისსამოსით - გრძელი ქვედაბოლოები და შარვლები ან ისარგელეთ მონასტრის შესასვლელთან ტურისტებისთვის განკუთვნილი სპეციალური მოსასხამებით.
- აკრძალულია მარმარილოს ნამსხვრევების თან წაღება საბერძნეთის ნანგრევებიდან - ეს არის სისხლის სამართლის დანაშული.
