სამხრეთ ნაწილი
მშვიდი და მყუდრო ადგილი დიდებული ბუნებით. მის ქუჩებში არ არის ტურისტების ხალხმრავლობა და ხმაურიანი საღამოები. ტურისტებისთვის მუშაობს დაწესებულება "ლაუნჯის" სტილში.
სამხრეთ რეგიონის ტურისტული ცენტრია კოლვა ბიჩ - კურორტი, უამრავი რესტორანითა და მაღაზიით. ახლომდებარე პლაჟები ბენაულიმი და ბატალბატიმი ცნობილია ქვიშიანი სანაპირო ზოლითა და ძვირადღირებული დაწესებულებებით. ეგზოტიკა შეგიძლიათ იპოვოთ მობორის სანაპიროზე, ხოლო ვარკა გაგაოცებთ ულამაზესი პეიზაჟებით და არაპროგნოზირებადი ზღვის დინებით. მშვიდი დასვენებისთვის გაემგზავრეთ კაველოსიმიში, სადაც გელით რბილი თეთრი ქვიშა და კარგად განვითარებული ინფრასტრუქტურა.
სამხრეთ ნაწილში მდებარეობს შრი მალიკარჯუნას ტაძარი, რომელიც ეძღვნება ლორდ შივას, 300 მეტრიანი დუდხსაგარის ჩანჩქერი და კოტიგაოს ნაკრძალი. ახლომდებარე კუნძულები შესანიშნავია სნორკლინგისა და დაივინგისთვის.
მოვლილი ქვიშიანი პლაჟები, დიდი რაოდენობით ცხოველების არარსებობა ქუჩებში, მშვიდი მუსიკა და ხარისხიანი სასმელები - ამ ყველაფერს შეხვდებით შტატის სამხრეთ ნაწილში დასვენებისას.
ჩრდილოეთ ნაწილი
რეგიონმა პოპულარობა მოიპოვა 1960-იან წლებში, როდესაც მის სანაპიროებზე ჰიპები დასახლდნენ. დღეს კურორტზე არის სასტუმროები, რესტორნები, პლაჟებზე ყველა პირობაა შექმნილი ცივილიზებული დასვენებისთვის.
ჩრდილოეთ ნაწილი განსაკუთრებით პოპულარულია ახალგაზრდებს შორის. ფასები აქ დაბალია გესტჰაუსების წყალობით - პატარა ბუნგალოების კომპლექსები აღჭურვილი ძირითადი საჭიროებებით.
ტურისტებს აქ ელით ღამის ცხოვრება და ხმამაღალი მუსიკა. ქუჩაში მრავლად არიან ჰიპები, რასტამანები და სხვა კოლორიტულ პიროვნებები.
თითქმის ყოველ დაწესებულებაში ტარდება ტრანს - საღამოები, რომელთა მრავალი მონაწილე პლაჟზე იძინებს და სადილად ჯგუფებად იკრიბებიან რათა ისადილონ მომდევნო წვეულებამდე.
აქტიური არაოფიციალური ღამის ცხოვრების გარდა, ჩრდილოეთ ნაწილში მუშაობს მრავალი ღამის კლუბი გასართობი შოუებითა და ცივილიზებული დისკოთეკებით. პრაქტიკულად ყოველ პლაჟზე არის მინიმუმ ერთი დიდი ბარი, სადაც შესაძლებელია ცეკვა და გართობა.
პლაჟის ტურები გოაზე
რეგიონის მთელი ცხოვრება ასკილომეტრიან პლაჟზე გადის. ღრმა ლურჯი ოკეანე, ტროპიკული მცენარეები, ზღვის ბრიზი, დაუვიწყარი დაისი, და რა თქმა უნდა, მთელ მსოფლიოში განთქმული საღამოები ყოველ წელს მრავალ ტურისტს იზიდავს.
საექსკურსიო ტურები
ტურები გოას მზიან სანაპიროებზე ცხადია, ნათელ მოგონებად იქცევა. ტროპიკული ბუნება, ადგილობრივი საცეკვაო კულტურა, ინდური კოლორიტი და ჯადოსნური დაისი - სწორედ ასე დაგამახსოვრდებათ ინდოეთში დასვენება. ახალგაზრდებსა და აქტიურ ტურისტებს ჩრდილოეთ რეგიონი მოერგება, ხოლო ოჯახურმა წყვილებმა არჩევანი ჯობია სამხრეთ სანაპიროზე შეაჩერონ. ქალაქის ნებისმიერ წერტილში გელით სილმაზე, ხელუხლებელი ბუნება, თბილი, მაგრამ არაპროგნოზირებადი ზღვა და კაშკაშა მზე.
