წითელი ფორტი (აგრას ფორტი) — მოგოლების დიადი ეპოქის დროინდელი, ისტორიული ციტადელი, რომელიც იყო მმართველთა რეზიდენცია მოგოლების იმპერიის პერიოდში.
პერიმეტრი შემოსაზღვრულია წითელი კედლით, რამაც განაპირობა ფორტის დასახელება, რომლის სიგრძეც 2500 მეტრია. კედლის სიმაღლე მერყეობს 16 მეტრამდე მდინარე იამუნას მხრიდან, ქალაქის მხრიდან კი 33 მეტრამდე. ფორტი მდინარე იამუნას ზემოთ მდებარეობს, თაჯ-მაჰალიდან მხოლოდ 2,5 კილომეტრში. 1983 წელს წითელი ციხე შევიდა იუნესკოს მსოფლიო მემკვიდრეობის სიაში. წითელი ციხის ტერიტორიის ნაწილი დღეს სამხედრო მიზნებისთვის გამოიყენება და ვიზიტორებისთვის მიუწვდომელია. ციხის მშენებლობა დაიწყო 1565 წელს, აქბარ დიდის ინიციატივით, რომელმაც დედაქალაქი დელიდან აგრაში გადაიტანა. უკვე 1571 წელს ციხე მთლიანად შემოსაზღვრული იყო კედლით. აქბარის მემკვიდრეებმა, პირველ რიგში შაჰ-ჯაჰანმა, გააფართოეს ციხე მე – XVII საუკუნის დასაწყისში. აქბარის მეფობის დროს უპირატესობა ენიჭებოდა წითელ ქვიშაქვას მარმარილოს ელემენტებით. შაჰ-ჯაჰანის დროს, თეთრი მარმარილო, ოქროს და ძვირფასი ქვებისგან ნახატებით, სამშენებლო მასალად გამოიყენებოდა.
