ტურები ინდოეთში

მოსახლეობის რიცხოვნობით მეორე ქვეყანა მსოფლიოში, მრავალწლიანი მდიდარი და მრავალფეროვანი ისტორია, შესანიშნავი კლიმატი, ტროპიკული ბუნება და გრძელი ზღვის სანაპიროები - ეს ინდოეთია, უძველესი და ახალგაზრდა, ჩვენთვის ნაცნობი ფერადი ფილმებიდან და ჩვენი ბავშვობის ოცნებებიდან. მკვეთრი კონტრასტების ქვეყანა და კაცობრიობის აკვანი, რომლის გარშემოც არსებობს მრავალი ფანტასტიური ლეგენდა. ზოგი სამუდამოდ მოხიბლული რჩება მისი კონტრასტული ხასიათით, ზოგს კი იგი აშინებს. იმისათვის, რომ ინდოეთზე საკუთარი შთაბეჭდილება შეიქმნათ, აქ ერთხელ მაინც უნდა იმოგზაუროთ, რაც გულგრილს ნამდვილად არ დაგტოვებთ.

მხიარულების და ფართო ქვიშიანი პლაჟების მოყვარულთათვის რეკომენდებულია შტატი გოა. იოგის და არატრადიციული მედიცინის მოყვარულთ კერალას შტატი ერგება. სიძველეების მოყვარულთ კი გააოცებთ მოგზაურობა "ოქროს სამკუთხედში" და სხვა საექსკურსიო ტურები.

ინდოეთში განსაკუთრებულ ყურადღებას იმსახურებს საქორწილო ცერემონიები: ნათელი, გამორჩეული, ხმაურიანი, როგორც თავად ქვეყანა.

კლიმატი და სეზონურობა

ინდოეთის კლიმატი ორი ფაქტორითაა განპირობებული. პირველი ეს არის მაღალი ჰიმალაი, რომელიც არ უშვებს არქტიკის ცივ ჰაერს და ქარს შუა აზიიდან. ამიტომ ინდოეთში გაცილებით უფრო თბილა, ვიდრე იმავე განედზე მდებარე სხვა ქვეყნებში. ამინდის მეორე ფაქტორი არის თარის უდაბნო, რომელიც თავისი ქარით იზიდავს მუსონებს ინდოეთში - ძლიერ სეზონურ წვიმას. ისინი უზრუნველყოფენ წლიური ნალექის დაახლოებით 80%.

გოასა და კერალაში კლიმატი სუბტროპიკული და რბილია. საშუალო ტემპერატურაა + 27 ... + 35°С მთელი წლის განმავლობაში, ხოლო მუსონების პერიოდი ხანმოკლეა - ივნისიდან აგვისტომდე, რაც ხელს უწყობს კომფორტულ დასვენებას თითქმის მთელი წლის განმავლობაში.

დრო

ინდოეთის დრო თბილისზე 2 საათი და 30 წუთით წინაა.

ვალუტა

ინდური რუპია. გადახდა ხორციელდება მხოლოდ ადგილობრივ ვალუტაში. ყველაზე ხელსაყრელი გაცვლითი კურსი წარმოდგენილია ვალუტის გადამცვლელ პუნქტებში. ყველაზე ადვილია დოლარის, ევროსა და ფუნტის სტერლინგის დახურდავება.

ინდოეთის ელექტრონული ვიზა საქართველოს მოქალაქეებისთვის

საქართველოს მოქალაქეებს შეუძლიათ ინდოეთის ვიზის მიღება ონლაინ რეჟიმში – ე.წ. ელექტრონული ვიზით (e-Visa), ხელმისაწვდომია შემდეგი კატეგორიები:

შენიშვნა: 30-დღიანი ტურისტული ვიზის ღირებულებაა $99 აშშ დოლარი. სხვა კატეგორიების ფასი დამოკიდებულია ვადაზე და დამუშავების.

პერიოდზე.დამუშავების ვადები

• სტანდარტული დამუშავება: 1–3 სამუშაო დღე.
• სასწრაფო შემთხვევებში: შესაძლებელია დაჩქარებული პროცედურა.
• რეკომენდებულია განაცხადის გაკეთება მოგზაურობამდე მინიმუმ 4 დღით ადრე.

დამატებითი ინფორმაცია

• მოქმედი პასპორტი (ვალიდური მინიმუმ 6 სრული თვე ტურის დასრულების თარიღიდან).
• შესვლის პუნქტები: ინდოეთში შესვლა შესაძლებელია მხოლოდ 31 აეროპორტით ან 5 საზღვაო პორტით.
• გადახდა: ონლაინ განაცხადის პროცესში.
• ვიზა იგზავნება ელფოსტით (PDF) — აუცილებელია დაბეჭდილი ან ციფრული ვერსიის წარდგენა საზღვარზე.

გეოგრაფიული ცნობარი

ინდოეთი სამხრეთ აზიას მიეკუთვნება და ინდოსტანის ნახევარკუნძულის დიდ ნაწილს იკავებს. ქვეყნის კონტური წააგავს ტოლფერდა სამკუთხედს. ინდოეთის სანაპიროს, რომლის სიგრძე შეადგენს 7 ათას კმ-ზე მეტს, გარს ერტყმის ინდოეთის ოკეანე — ბენგალის ყურე სამხრეთ-აღმოსავლეთით და არაბეთის

ინდოეთის ბუნება მდიდარია არაჩვეულებრივი ლანდშაფტებით და თვალწარმტაცი პეიზაჟებით. განსაკუთრებული გეოგრაფიული მდებარეობიდან გამომდინარე აქ ერთდროულად რამდენიმე კლიმატური ზონის კვეთაა. ინდოეთის კლიმატზე დიდ გავლენას ახდენს ჰიმალაი და თარის უდაბნო, რომლებიც იწვევენ მუსონებს. ჰიმალაი ქმნის დაბრკოლებას ზღუდეს ცივი ცენტრალური აზიის ქარებისათვის, რითაც ის ინდოსტანის კლიმატს უფრო თბილს ხდის ვიდრე ამ განედზე მდებარე პლანეტის სხვა ტერიტორიების კლიმატს. ერთ – ერთი ულამაზესი ნაკრძალი- კოტიგაო- მდებარეობს სამხრეთ გოას მახლობლად.

ისტორიული ცნობარი

შეუძლებელია მოკლედ რომ ვთქვათ ინდოეთის ისტორიის შესახებ, ინდოეთი ემთხვევა ადამიანის ცივილიზაციის დაბადებას. დაახლოებით ძვ. წ XV საუკუნეში არიული ტომები გაერთიანდნენ ადგილობრივ მოსახლეობასთან- დრავიდებთან, და დაარსეს ვედური კულტურა. არიელებმა შექმნეს ვედური ცივილიზაცია მთელ ჩრდილოეთ ინდოეთში, განსაკუთრებით განგის ხეობაში. სწორედ ვედურ პერიოდში ჩამოყალიბდა ინდური კულტურა, ენა და რელიგია. ვედური პერიოდი გრძელდებოდა ძვ.წ. 1500-დან ძვ. წ. 500წ-მდე და ჩაუყარა საფუძველი ინდუიზმს. ინდოეთში ჩამოყალიბდა უამრავი რელიგია, მათ შორის ისეთები, როგორებიცაა ინდუიზმი, ჯაინიზმი, ბუდიზმი, და სიქიზმი. მეათე საუკუნიდან მოყოლებულ შემოტევებმა დიდი ზიანი მიაყენეს ინდოეთის კულტურას სპარსებმა, არაბებმა და თურქებმა. ქვეყანამ დამოუკიდებლობა მხოლოდ 1947 წელს მოიპოვა, ამ პროცესში მნიშვნელოვანი როლი უკავია სულიერ-პოლიტიკურ ლიდერს მაჰატმა განდის.

დღეს ინდოეთი ერთ-ერთი ყველაზე დინამიურად განვითარებადი ქვეყანაა. ეკონომიკამ დიდი წინსვლა განიცადა, მაგრამ მოსახლეობის დიდი ნაწილი სიღარიბის ზღვარს მიღმა რჩება.

ენა და რელიგია

ქვეყანის ოფიციალური ენა - ჰინდი და ინგლისური. ინგლისურად კარგად საუბრობენ მხოლოდ საკურორტო ადგილებში. ინდოეთში ჩამოყალიბდა უამრავი რელიგია, მათ შორის ისეთები, როგორებიცაა ინდუიზმი (83 %),ისლამი, ჯაინიზმი, ბუდიზმი, სიქიზმი და სხვა.

ამ ქვეყანაში რელიგიური კონფლიქტები ყველაზე ხშირად პოლიტიკური მანიპულირების შედეგია, ხალხი ძალიან ტოლერანტულია.

სამზარეულო

ინდური სამზარეულო ძალიან ცხარეა და პიკანტურია. ინდურ სამზარეულოში მთავარი აქცენტი ეთმობა ლებნიან ვეგეტარიანულ საკვებს, ლობიოს, ბოსტნეულს, რომლებიც მომზადებულია ტრადიციული სანელებლებით, რომელთა შორის ერთ-ერთი მოწინავე ადგილი უკავია სანელლებისგან შეკაზმულ კარის. ინდუიზმის რელიგიის გავლენით, ძროხის ხორცს არ მიირთმევენ, რადგან ძროხა წმინდა ცხოველად ითვლება. თუ ინდოელები ხორცს მიირთმევენ, ეს არის ქათამი ან ცხვრის ხორცი.

ტრანსპორტი

ინდოეთის ბევრ დიდ ქალაქს აქვს საკუთარი აეროპორტი. ყველაზე პოპულარული საჰაერო მარშრუტებია- დელი, მუმბაი (ყოფილი ბომბეი), დაბოლიმის აეროპორტი გოაზე, Cochin და Trivandrum აეროპორტები კერალაში.

ავტომობილების მოძრაობა საკმაოდ ქაოტურია, ასე რომ, არ ღირს მანქანის დაქირავება. სასტუმროში მისასვლელად გირჩევთ გამოიყენოთ წინასწარ დაჯავშნილი ტრანსფერი ან ტაქსი.

დღესასწაულები

• 17 აგვისტო - კრიშნას გამოჩენის დღე
  დღესასწაული ფართოდ აღინიშნება მთელ ქვეყანაში, თან ახლავს სიმღერა, ცეკვა და სახალხო ზეიმი.
• სექტემბრის ბოლოს- ღმერთი განეშის დღე
  მსვლელობა, რომელშიც ათასობით ადამიანი მონაწილეობს.
• ოქტომბრის ბოლოს - დივალი, ცეცხლის ფესტივალი
  5 დღის განმავლობაში გრძელდება წარმოდგენები, რომლებსაც თან ახლავს განათება, ფეიერვერკი და ქაღალდის ფარნების გაშვება.
• თებერვლის შუა რიცხვები
  ყოველწლიური კარნავალი გოაზე.
• თებერვლის ბოლოს - მარტის დასაწყისი - ჰოლი, გაზაფხულის და ნაყოფიერების დღესასწაული
  გაზაფხულის დადგომას, ფერადი საღებავებითა და შეღებილი წყლით, ყველა ერთად აღნიშნავს, ერთმანეთს ფერადი ფხვნილით ღებავენ.

მედიცინა

ინდოეთში სამედიცინო მომსახურების დონე საკმაოდ მაღალია, ქვეყანა არის მსოფლიოს ერთ – ერთი ლიდერი მედიცინის სფეროში, ასევე წამლებისა და სხვა ფარმაცევტული პროდუქტების წარმოებაში. მაგრამ, დასვენების დროს დამატებითი ხარჯების თავიდან ასაცილებლად, გამგზავრებამდე უნდა იზრუნოთ თქვენს სამედიცინო დაზღვევაზე.

სასწრაფო დახმარების ნომრები

Honorary Consul of Georgia in Mumbai
მისამართი: F-8, Khira Industrial State, B.M. Bhargav Road, Santacruz (W), Mumbai-400054
ტელეფონი: +912226615264
ფაქსი: +912226614999
ელ–ფოსტა: ssahuja1910@gmail.com / ssahuja@mfa.gov.ge

მდივანი
ტელეფონი: +91-22-26616336; 09769224574
ელ–ფოსტა: celine.consulategeorgia@gmail.com

საქართველოს საელჩო ინდოეთის რესპუბლიკაში (ქ. ნიუ დელი)
მისამართი: 169 ჯორ ბაღი, ნიუ დელი - 110003
ტელ.: (+91)-11-4949-6000 / (+91)-11-4050-1424
ელ–ფოსტა: delhi.emb@mfa.gov.ge
ცხელი ხაზის ნომერი: (+91)-92054-88477

სასარგებლო რეკომენდაციები

• ინდოეთში ონკანის წყლის დალევა არ შეიძლება. ჭამის წინ აუცილებლად დაიბანეთ ხელები საპნით, დალიეთ მხოლოდ დაფასოებული ბოთლის წყალი. არ იყიდოთ წყალი გარე მოვაჭრეებისგან. არ დალიოთ სასმელები ყინულით გარე კაფეებში ან პატარა ქალაქების სასტუმროებში.
• მიღებული არ არის საზოგადოებაში ჩახუტება და კოცნა; უმიზეზოდ არ მიმართოთ ახალგაზრდა ინდოელ გოგონას, მითუმეტეს არ შეეხოთ.
• არც ერთ სიტუაციაში არ მიიღება ყვირილი და ჩხუბი.
• იყავით ყურადღებით! ძვირადღირებული ნივთები შეინახეთ სასტუმროს სეიფში, თვალყური ადევნეთ ფულს და ტექნიკას. პლიაჟზე უყურადღებოდ არ დატოვოთ თქვენი ნივთები.
• ქალბატონებისთვის რეკომენდებულია მოკრძალებული სამოსი: დაფარული მხრები, მუხლები.
• ტაძარში შესვლისას საჭიროა თავსაფრის გაკეთება. გაითვალისწინეთ, რომ შესვლამდე.
• ფეხზეც უნდა გაიხადოთ.
• ინდოეთში ტროპიკული მზეა - ატარეთ თავსაფარი. გამოიყენეთ მზისგან დამცავი საშუალებები.
• თითი არ მიაშვიროთ ადამიანებს ან ტაძრის სიწმინდეებს.