მოგზაურობა არაბეთის გაერთიანებულ ემირატებში 2025

კლიმატი და სეზონურობა

არაბთა გაერთიანებულ საამიროებში მშრალი ტროპიკული კლიმატია, ნალექების რაოდენობა მცირეა. ზაფხულში, ქვეყანაში ძალიან ცხელი და მზიანი ამინდია, სპარსეთის ყურეში წყლის ტემპერატურა დაახლოებით + 30 °С. არაბთა გაერთიანებულ საამიროში გამგზავრების საუკეთესო პერიოდი- ოქტომბრიდან აპრილამდე, როდესაც მზიანი ამინდია, ჰაერის ტემპერატურა +20-25 °С და ზღვის წყალი თბილია.

დრო

დრო ემთხვევა თბილისის დროს.

ვალუტა

ვალუტა — არაბთა გაერთიანებული საამიროების დირჰამი. 1 დირჰამი შედგება 100 ფილსისგან. ვალუტა დოლართან მტკიცედაა დაკავშირებული. კურსი დოლართან მიმართებაში საგრძნობლად არ იცვლება.1 დოლარი USD = 3,67 არაბთა გაერთიანებული საამიროების დირჰამი.

ვიზა

საქართველოს მოქალაქეს, რომელიც მიემგზავრება არაბთა გაერთიანებულ საამიროებში ესაჭიროება წინასწარ გაფორმებული ვიზა. საზღვარგარეთის პასპორტის მოქმედების ვადა უნდა იყოს მინიმუმ 6 თვის განმავლობაში ტურის დასრულების შემდეგ. პასპორტი უნდა მიაწოდოთ იმ ტურისტულ სააგენტოს, სადაც შეიძინეთ ტური. ასევე პასპორტის პირველი გვერდის დასკანერებული სურათი JPG ფორმატში (ზომა არ უნდა აღემატებოდეს 37 კბ), დასკანერებული ფერადი ფოტოსურათი 35x45 მმ ფორმატით (არა უმეტეს 37 კბ). დოკუმენტების გაფორმებას 4-5 სამუშაო დღე ესაჭიროება. სტანდარტული ვიზის ღირებულება 85 პ.ე. ღია ვიზა ძალაშია 60 დღის განმავლობაში, ყოფნის ვადა არ უნდა აღემატებოდეს შესვლის მომენტიდან 30 დღეს. 2004 წლიდან დუბაიისა და შარჯას აეროპორტებში დაინერგა UAE- ში ჩამოსული ტურისტების დამატებითი შემოწმება. ის შედგება ბადურის სკანირებისგან, მაგრამ უმეტესწილად ეს ეხება ქალებს.

გეოგრაფიული ცნობები

არაბთა გაერთიანებული საამიროები — მონარქიული სახელმწიფო არაბეთის ნახევარკუნძულზე, ქვეყნის ფორმა წააგავს მარტორქის რქას. მისი მოსაზღვრე ქვეყნებია საუდის არაბეთი, კატარი და ომანი. არაბთა გაერთიანებული საამიროების ტერიტორია გადაჭიმულია სპარსეთის ყურის სამხრეთ სანაპიროს გასწვრივ 600 კმ-ზე. დედაქალაქი- აბუ-დაბი. არაბთა გაერთიანებული საამიროების რელიეფი და ბუნება არ არის ძალიან მრავალფეროვანი: მთიანი რაიონები მდებარეობს აღმოსავლეთით, სამხრეთით და დასავლეთით უდაბნოა. მაგრამ თითქმის ყველა დასახლება და საკურორტო ზონა მდებარეობს სანაპიროზე ან ოაზისებში.

ისტორიული ცნობები

არაბთა გაერთიანებული საამიროების ისტორია, როგორც სახელმწიფოს ისტორია, შედარებით მოკლეა და თარიღდება 1971 წლით, როდესაც 6 საამიროს ემირებმა- აბუ-დაბი, დუბაი, შარჯა, აჯმანი, უმ ელ-კაივაინი და ფუჯაირა - გადაწყვიტეს ახალი სახელმწიფოს შექმნა. საამიროების ტერიტორიაზე აღმოჩენილი უძველესი დასახლებები თარიღდება დაახლოებით ძვ. წ. აღ. 5500 წლით. სპარსეთის ყურის ისტორიულ განვითარებაზე, პირველ რიგში, გავლენა მოახდინა, სავაჭრო გზების კვეთაზე ადგილმდებარეობამ. რეგიონში ისლამის გავრცელება 630 წლიდან დაიწყო. საამიროების ტერიტორიაზე გადამხდარი რამდენიმე ბრძოლის შემდეგ არაბეთის ნახევარკუნძულზე ისლამი საბოლოოდ გაბატონდა. მოგვიანებით, მან სერიოზული გავლენა მოახდინა ადგილობრივი შეიხების და ემირების პოლიტიკურ განწყობაზე. სხვადასხვა დროს, ქვეყანას არაბული ხალიფატის, ომანის, პორტუგალიის და ბრიტანეთის კონტროლის ქვეშ იმყოფებოდა. მეორე მსოფლიო ომის შემდეგ კრიზისი შეიცვალა კეთილდღეობის, დამოუკიდებლობის, ეკონომიკური ზრდის პერიოდით, რომელიც დაკავშირებულია ნავთობპროდუქტების აღმოჩენასთან და ერთიანი სახელმწიფოს შექმნასთან. დღეს არაბთა გაერთიანებული საამირო ერთ-რთი ყველაზე პოლიტიკურად სტაბილური და განვითარებული ქვეყანაა. სულ რაღაც 50 წლის უკან აქ იყო მხოლოდ ქვიშა, ზღვა და პატარა ქალაქები.

ენა და რელიგია

ოფიციალური ენა- არაბული. მოსახლეობის უმეტესი ნაწილი ინგლისურ ენაზე საუბრობს.

სამზარეულო

კულინარიული ტრადიციები არ განსხვავდება სხვა არაბული ქვეყნებისგან. იმის გამო, რომ მუსულმანები არ ჭამენ ღორის ხორცს, ყველა ხორცის კერძს ამზადებენ ცხვრის, თხის, ხბოს და ძროხის ხორცისგან. სხვადასხვა ბოსტნეული ფართოდ გამოიყენება როგორც გარნირი. საპატიო ადგილს იკავებენ სუპები, რძის პროდუქტები, თაფლისა და კაკლისგან დამზადებული დესერტები. Michelin- ის ვარსკვლავიანი ნიშნით აღნიშული რესტორნების რაოდენობა დიდი ხანია ასს გადააჭარბა. აქ ყველაზე ტიტულოვანი შეფ-მზარეულები მუშაობენ. ყოველწლიურად, თებერვალში, ტარდება დუბაიში მასშტაბური ფესტივალი- Dubai Food Festival. ამ დროს ქალაქი სავსეა მსოფლიოს ყველა კულინარიული ტრადიციების წარმომადგენელებით, ქუჩებში ტარდება მასტერკლასები და არსებობს დეგუსტაციის დარბაზები.

ტრანსპორტი

ტურისტებისთვის, ყველაზე გამოყენებადი სატრანსპორტო საშუალებაა ტაქსი, რომლის გაჩერებაც შესაძლებელია ქუჩაში. ტაქსი აღჭურვილია მრიცხველებით, ქალაქის შიგნით მოკლე მგზავრობა დაახლოებით 4-7 $ ეღირება. გაითვალისწინეთ, რომ ფასი დამოკიდებულია არა მხოლოდ მანძილზე, არამედ საცობების რაოდენობაზე.

საზოგადოებრივ ტრანსპორტში (ქალაქის ავტობუსები, და ასევე მეტრო დუბაიში) გადახდისთვის იყონებენ მრავალჯერად პლასტიკურ ბარათებს, რომელზეც ბალანსი უნდა შეივსოს. არამარტო ავტობუსები, არამედ გაჩერებებიც აღჭურვილია კონდიციონერებით. ბევრი სასტუმრო გთავაზობთ უფასო ტრანსპორტირების სერვისს სანაპიროზე და მსხვილ სავაჭრო ცენტრებთან. ეს ინფორმაცია გადაამოწმეთ სასტუმროს მისაღებში.

დღესასწაულები

არაბთა გაერთიანებულ საამიროებში აღნიშნავენ როგორც საერო, ასევე რელიგიურ(მუსულმანურ) დღესასწაულებს. მრავალრიცხოვანი სავაჭრო და გასტრონომიული ფესტივალები მთელი მსოფლიოს მასშტაბით ათასობით ტურისტს იზიდავს.

• ნოემბრის ბოლო - ფორმულა 1.
• ნოემბრის ბოლო - Desert Rhythm- ის ფესტივალი, რომელიც აერთიანებს ეთნიკურ მუსიკალურ სტილებს.
• 2 დეკემბერი - ეროვნული დღე. ორი დღის განმავლობაში შეგიძლიათ დატკბეთ ავიშოუებით, საკონცერტო პროგრამებით და ფეიერვერკებით.
• იანვარი - სავაჭრო ფესტივალი დუბაიში, ყველა მაღაზია და ბუტიკი აწყობენ გრანდიოზულ sale-ს, რომლებსაც თან ახლავს შოუს პროგრამები და გათამაშებები.
• მარტი - მსოფლიო თასი, ტრადიციული საცხენოსნო რბოლები, რომლის საპრიზო ფონდი 10 მილიონი აშშ დოლარს შეადგენს.
• აპრილის დასაწყისი - აქლემების ფესტივალი, შექმნილია კულტურული მემკვიდრეობის შესანარჩუნებლად. ფესტივალი გრძელდება 9 დღე და ამ დროის განმავლობაში ტარდება აქლემების სილამაზის კონკურსი, აქლემის რბოლები და აუქციონი.
• ივნისის დასაწყისი - სიურპრიზების საზაფხულო ფესტივალი,უზარმახარი ამოყიდვა: შოპინგი, გართობა, კონკურსები და ლატარიები.

ივნისის ბოლო - ივლისის ბოლოს არის რამადანის წმინდა თვე. მუსულმანები იცავდნენ მკაცრ მარხვას, რესტორნები და ღამის კლუბები მუშაობენ შეზღუდულ რეჟიმში, არსებობს აკრძალვა ჭამაზე, სასმელების და თამბაქოს მოხმარებაზე დღის განმავლობაში- მზის ამოსვლიდან მზის ჩასვლამდე. წესები, რომლებიც მოქმედებენ რამადანის დროს, მხოლოდ მუსულმანებზე ვრცელდება, მაგრამ ტურისტებმა უნდა პატივი სცენ მორწმუნეების გრძნობებს. რეკომენდირებულია, რომ განსაკუთრებული ყურადღება მიაქციოთ ტანსაცმელს იმ საზოგადოებრივ თავშეყრის ადგილებში უნდა იყოს მოკრძალებული.

საგანგებო სამსახურების ტელეფონის ნომრები

• სასწრაფო დახმარება და პოლიცია – 999
• სახანძრო სამსახური – 997
• საინფორმაციო ცნობარი - 180 ან 181

მედიცინა

სამედიცინო მომსახურება ფასიანია. იმ შემთხვევაში, თუ დაგჭირდებათ ექიმი, გამოიყენეთ სამედიცინო დაზღვევის პოლისი, რომელიც გადმოგეცათ ტურის შეძენისას.

სასარგებლო რეკომენდაციები

არაბთა გაერთიანებული საამირო-ქვეყანა, რომელსაც მკაცრი კანონები აქვს, კრიმინალი აქ პრაქტიკულად არ არსებობს. ქალაქში ყოფნა სრულიად უსაფრთხოა, როგორც დღისით, ასევე ღამით. მაგრამ თქვენ უნდა გახსოვდეთ ქცევის წესები.

• საცურაო კოსტუმები დასაშვებია მხოლოდ პლიაჟებზე ან სასტუმროს აუზებში. მკაცრად აკრძალულია ტოპლეს რუჯის მიღება.
• არაბი ქალების ფოტოების გადაღება შეურაცხყოფად აღიქმება; არ არის რეკომენდებული სახელმწიფოდაწესებულებების, ბანკების ან სამხედრო ობიექტების გადაღება.
• ქვეყანაში აკრძალულია აზარტული თამაშები.
• სპირტიანი სასმელების, მათ შორის ლუდის გამოყენება, საზოგადოებრივ ადგილებში, გაყიდვა, გადაყიდვა, საამიროდან საამიროში ტრანსპორტირება და ნასვამ მდგომარეობაში მანქანის ტარება სერიოზული დანაშაულია და შეიძლება გამოიწვიოს სისხლისსამართლებრივი პასუხისმგებლობა.
• თუ გადაწყვეტთ, რომ რამადანის დროს გაემგზავროთ არაბთა გაერთიანებულ საამიროებში, უნდა იცოდეთ შეზღუდვები: არ უნდა დალიოთ, არ უნდა მოწიოთ და არც უნდა დაღეჭოთ საზოგადოებრივ ადგილებში დაბნელებამდე.