ვიზა ეგვიპტეში

სავიზო ინფორმაცია ეგვიპტის არაბთა რესპუბლიკაში გამგზავრების მსურველი საქართველოს მოქალაქეებისთვის

მნიშვნელოვანია! ეგვიპტის მთავრობის გადაწყვეტილებით, 01.03.2026-დან ვიზის საფასური შეიცვალა და შეადგენს 30 დოლარს.

საქართველოს მოქალაქეებს ეგვიპტის არაბთა რესპუბლიკაში გასამგზავრებლად ესაჭიროებათ ვიზა. მოკლევადიანი ტურისტული ვიზიტისას 15 დღემდე ერთჯერადი ვიზის მიღება ხდება ქვეყნის საზღვრის კვეთის დროს, პასპორტში ბეჭდის ჩარტყმის სახით.

ასევე, საქართველოს მოქალაქეს ეგვიპტის ტერიტორიაზე 30 დღემდე შესვლისა და მოგზაურობის მიზნით შეუძლია აიღოს ეგვიპტის ელექტრონული ვიზა.

ელექტრონული ვიზის განაცხადის ფორმის შევსება შესაძლებელია პორტალზე: www.visa2egypt.gov.eg

საზღვრის გადაკვეთისთვის საჭიროა შემდეგი დოკუმენტები:

• საზღვარგარეთის პასპორტი (მოქმედების ვადა მინიმუმ 6 თვე)
• ორმხრივი ავიაბილეთი
• სასტუმროს ვაუჩერი
• სამოგზაურო დაზღვევა

ეგვიპტის არაბთა რესპუბლიკის საელჩოს კოორდინატები ქ.ერევანში:

მისამართი: 10/4 Levon Khechoyan str, Yerevan 0051, Armenia
ტელ: +374 10 250 023; +374 10 250 024
ელ ფოსტა: embassy.yerevan@mfa.gov.eg

გთხოვთ, გაითვალისწინოთ, რომ საზღვრის კვეთის  და სავიზო რეგულაციების შესახებ ინფორმაცია გადაამოწმოთ ოფიციალურ სახელმწიფო სამსახურებში.