Marvida Family Eco არის იდეალური სასტუმრო ოჯახური დასვენებისთვის თურქეთში

The Marvida Family Eco 5* — კურორტი სიდეს რეგიონში, რომელიც მდებარეობს ანტალიის აეროპორტიდან 70 კმ-ში. Marvida Family Eco Side Antalya კომპლექსი შედგება სამი კორპუსისა და ჩვიდმეტი ვილისგან, ხოლო მისი საერთო ფართობი 51 000 მ²-ს შეადგენს. ტერიტორია სავსეა სიმწვანით, ხოლო სასტუმროსთან ახლოს მდებარეობს თვალწარმტაცი ტბა და სასეირნო ბილიკები მის გარშემო.

სასტუმრო არის განახლებული, 2024–2025 წლების ზამთარში აქ განხორციელდა მასშტაბური განახლება — განახლდა ნომრები, რესტორნები, აკვაპარკი და აუზები. 2025–2026 წლებში დაგეგმილია მზის პანელების დამონტაჟება, რომლებიც სასტუმროს ელექტროენერგიის საჭიროებების დაახლოებით 30%-ს უზრუნველყოფს.

Marvida Family Eco ფუნქციონირებს Ultra All Inclusive 24/7 კონცეფციით: მრავალფეროვანი შვედური მაგიდა, წასახემსებლები და სასმელები სტუმრებისთვის მთელი დღის განმავლობაშია ხელმისაწვდომი. სტუმრებს ასევე სთავაზობენ აკვაპარკს, რამდენიმე აუზს, სპორტულ მოედნებს, საბავშვო კლუბებს, ბავშვებისთვის ცალკე რესტორნებს და ძიძის მომსახურებას. ველოსიპედის მოყვარულებისთვის ხელმისაწვდომია ველოსიპედების ქირაობა და სპეციალური ველობილიკები, რომლებიც სიდეს ცენტრისკენ მიემართება.

სწორედ ფართო და გამწვანებული ტერიტორიის გამო Marvida Family Eco-ს ხშირად ირჩევენ ისინი, ვისაც ერთდროულად უყვარს როგორც მშვიდი საზღვაო დასვენება, ასევე აქტიური არდადეგები თურქეთში. სასტუმრო კომფორტული არჩევანია სხვადასხვა ასაკის ბავშვიანი ოჯახებისთვის, რომანტიული მოგზაურობისათვის ან მეგობრების მხიარული დასვენებისთვის. აქ მარტივად იგრძნობა ბალანსი მომსახურების ხარისხსა და განთავსების ღირებულებას შორის.

ოთახები

სასტუმრო გთავაზობთ სხვადასხვა კატეგორიის ნომრებს: სტანდარტული ტიპის, საოჯახო და ასევე დიდი ზომის ნომრებს. ყველა ნომერს აქვს აივანი ან ტერასა, ბაღის ან ტბის ხედით.

ნომრები აღჭურვილია კომფორტული დასვენებისთვის საჭირო ყველა საშუალებით : უფასო Wi-Fi, 32-დიუმიანი LCD ტელევიზორი და მინი-ბარი, რომელიც რეგულარულად ივსება სხვადასხვა ტიპის სასმელებით.

სტუმრებისთვის, ვისაც ადრე ჩასვლა ან გვიან გასვლა უწევთ, სასტუმროში გათვალისწინებულია Courtesy Rooms — SPA ზონაში განთავსებული სპეციალური ოთახები, საკუთარი აბაზანით. აქ შესაძლებელია გამოცვლა, შხაპის მიღება ან ბარგის კომფორტულად ჩალაგება ნომერში განთავსებამდე ან აეროპორტის ტრანსფერის მოლოდინში. ოთახები გაიცემა უფასოდ 40 წუთით.

კვება

მთავარ რესტორანში სტუმრებს ელოდებათ მრავალფეროვანი კერძები თურქული და საერთაშორისო სამზარეულოდან. დღის განმავლობაში ხელმისაწვდომია საუზმე, გვიანი საუზმე, ლანჩი, სადილი, გვიანი სადილი და წასახემსებლები. პატარა სტუმრებისთვის ფუნქციონირებს ცალკე ბავშვთა რესტორანი Heroes, სადაც წარმოდგენილია ბავშვების მენიუ და ნათელი, მხიარული ინტერიერი. ასევე გამოყოფილია სპეციალური სივრცე ბავშვთა საკვების მომზადებისთვის ყველა საჭირო აღჭურვილობით.

სასტუმროს ტერიტორიაზე მუშაობს შვიდი ბარი, რომლებიც განთავსებულია სხვადასხვა ზონაში. აქ შეგიძლიათ დააგემოვნოთ ადგილობრივი ალკოჰოლური და არაალკოჰოლური სასმელები, ასევე რამდენიმე იმპორტირებული სასმელი, რომელიც შედის განთავსების ღირებულებაში. მაგალითად, Beer Garden , სადაც წარმოდგენილია სხვადასხვა თურქული და იმპორტირებული ლუდის სახეობა და შესაბამისი სნექები, Barvida Lounge (16+) ლაუნჯ-ბარი მოზრდილებისთვის, აქ შეგიძლიათ მიირთვათ საავტორო კოქტეილები მშვიდი და რომანტიული ატმოსფეროს ფონზე.

სტუმრებს შეუძლიათ ისარგებლონ ერთი უფასო ვიზიტით თურქულ a la carte რესტორანში, ხოლო დამატებითი საფასურის სანაცვლოდ ესტუმრონ იტალიური სამზარეულოს რესტორანს, ზღვის პროდუქტებისა და თევზის რესტორანს ან სუშის რესტორანს.

ბავშვთა კლუბშიც ფუნქციონირებს კიდევ ერთი ბავშვთა რესტორანი, სადაც შეფ-მზარეული ამზადებს ახალ კერძებს ბავშვების არჩევანით: პიცა, ბურგერები, კარტოფილი ფრი და სხვა საყვარელი კერძები.

სანაპირო

სანაპირო მდებარეობს სასტუმროდან დაახლოებით 450 მეტრში. დღის განმავლობაში ფუნქციონირებს ტრანსფერი, ასევე შესაძლებელია ფეხით გადაადგილება ტბის მიმდებარე საფეხმავლო გზით. სანაპირო არის ქვიშა-კენჭოვანი და მოწყობილია შეზლონგებითა და ქოლგებით. სტუმრებს შეუძლიათ ისარგებლონ სანაპიროს ფრენბურთის მოედნით, ჩრდილში განთავსებული ბავშვთა სათამაშო ზონით და სანაპიროს პავილიონებით. ასევე არსებობს ცალკე ზონა მხოლოდ ზრდასრულებისათვის.

რეგიონის სხვა სანაპიროებთან შედარებით, სადაც ხშირად წყალთან ახლოს არის ქვები ან დიდი შესასვლელი ბილიკები, აქ ფსკერი თანაბარია და ზღვაში შესასვლელი ნელა ღრმავდება, რაც განსაკუთრებით მნიშვნელოვანია ოჯახური დასვენებისთვის ბავშვებთან ერთად.

სანაპიროზე ფუნქციონირებს ღია შვედური მაგიდა, სადაც სტუმრებს სთავაზობენ არაალკოჰოლურ სასმელებს, ლუდსა და ღვინოს, ასევე ნაყინებს, რაც სტუმრებს საშუალებას აძლევს მთელი დღე კომფორტულად გაატარონ ზღვის ნაპირზე.

აუზები და SPA-ცენტრი

სასტუმროს ტერიტორიაზე განთავსებულია სხვადასხვა ზომისა და სიღრმის აუზები. ახალი აკვაპარკი აღჭურვილია სლაიდებით როგორც მოზრდილებისათვის, ასევე ბავშვებისთვის, ამიტომ წყლის ატრაქციონებით მთელი ოჯახი სარგებლობს.

ფუნქციონირებს ასევე დახურული აუზი მთავარ შენობასთან, პანორამული ფანჯრებითა და მინის ჭერით. სეზონის დასაწყისსა და ბოლოს აუზი თბება, ხოლო ზაფხულში კონდიცირების საშუალებით იქცევა გრილ ოაზისად.

ზრდასრული სტუმრებისთვის ხელმისაწვდომია SPA-ცენტრი და ფიტნეს დარბაზი. SPA-ზონაში არის საუნა, თურქული აბაზანა (ჰამამი), ორთქლის აბაზანა, ჯაკუზი და დახურული აუზი. მასაჟები და ინდივიდუალური პროცედურები ხელმისაწვდომია დამატებითი საფასურის სანაცვლოდ.

გასართობი ყველასათვის – ასაკისა და ინტერესების შესაბამისად

ბავშვებს შეუძლიათ ესტუმრონ ბავშვთა კლუბს და მონაწილეობა მიიღონ საგანმანათლებლო და გასართობ აქტივობებში. ყველაზე პატარა სტუმრებისთვის, 2–4 წლამდე, ფუნქციონირებს ადრეული განვითარების ჯგუფები: ბავშვები ორ საათს ატარებენ პედაგოგებთან ერთად, თამაშობენ და სწავლობენ, ხოლო მშობლებს შეუძლიათ ცოტა დრო საკუთარ თავს დაუთმონ. მომსახურება უფასოა, წინასწარი დაჯავშნით. მოზარდებისათვის არსებობს სპეციალური პროგრამა.

მოზრდილ სტუმრებს შეუძლიათ დღე დაიწყონ მშვიდი იოგით ან ვარჯიშით, შემდეგ ითამაშონ წყალბურთი, ჩოგბურთი ან ისეირნონ ტბის მიმდებარედ ველოსიპედით. საღამოობით სასტუმრო იცვლის რიტმს და ივსება კურორტული ატმოსფეროთი: სტუმრებს ელოდებათ თემატური ღონისძიებები, საღამოს შოუ-პროგრამები, ცოცხალი მუსიკა, რომელიც დასვენებას უფრო ცოცხალ ემოციებს მატებს.

სასტუმროში რეგულარულად ტარდება სხვადასხვა მასტერკლასები. სტუმრებს შეუძლიათ თავად სცადონ სუშის მომზადება, სანთლების შექმნა, თიხაზე მუშაობა ან დაეუფლონ წყალზე ხატვის- ებრუს ხელოვნებას.