დასვენება საბერძნეთში ხელმისაწვდომ ფასად: ბიუჯეტური სასტუმროები კრეტასა და როდოსზე Tripadvisor -ის კარგი შეფასებით

თუ სასტუმროს არჩევისას სხვა ტურისტების შეფასებებს ეყრდნობით, ჩვენ მოვამზადეთ ბიუჯეტური სასტუმროების ჩამონათვალი კრეტასა და როდოსის კუნძულებზე, რომელთა რეიტინგი Tripadvisor-ზე 4 ქულიდან იწყება. ყველაზე ხშირად სტუმრები აღნიშნავენ მათ მოსახერხებელ მდებარეობას — ზღვის პირველ ხაზზე და კურორტების ტურისტულ ცენტრებთან ახლოს, სადაც არის კაფეები, ტავერნები და მაღაზიები.

აქ შეგიძლიათ იპოვოთ შეთავაზებები ბავშვიანი ოჯახებისათვის — ბავშვთა აუზებით, სათამაშო მოედნებით და მხიარული ანიმაციით, ასევე მათთვის, ვინც სასტუმროს არჩევს მყუდრო ნომრებისა და ზღვის ხედის გამო. ყველა სასტუმრო მუშაობს „All Inclusive“ სისტემით და გთავაზობთ ფასისა და ხარისხის კარგ თანაფარდობას საბერძნეთში ხელმისაწვდომი დასვენებისთვის.

MARVIDA HOTEL NUVON 4*

სასტუმრო მდებარეობს კურორტულ დასახლება ბალიზე მშვენიერ ყურეში, რეთიმნოდან 31 კმ-ის დაშორებით. ეს არის ერთ-ერთი ბიუჯეტური დასვენების შესაძლებლობა კრეტაზე, სადაც კარგი ფასისა და ხარისხის თანაფარდობა დადასტურებულია Tripadvisor-ის 4-ქულიანი რეიტინგით.

სასტუმროს აქვს საკუთარი ტერიტორია საზოგადოებრივ ქვიშის პლაჟზე, რომელიც სიგრძით დაახლოებით 100 მეტრია, ზღვაში მოსახერხებელი შესასვლელით. სტუმრებისთვის უფასოდ არის ხელმისაწვდომი ქოლგები და შეზლონგები.

სასტუმროს ტერიტორიაზე არის ღია აუზი და უფასო Wi Fi. 2025 წელს MARVIDA HOTEL NUVON 4* განაახლა ნომრები, საზოგადოებრივი სივრცეები და პლაჟის ინფრასტრუქტურა, რის შედეგადაც სასტუმრო ახლა უფრო თანამედროვე და კომფორტულია.

სასტუმრო არის კარგი არჩევანი ბიუჯეტური დასვენებისთვის კრეტაზე: ზღვა და პლაჟი ახლოსაა, ხოლო მოსახერხებელი მდებარეობა სტუმრებს საშუალებას აძლევს მარტივად მოინახულონ რეთიმნო ან კუნძულის სხვა მხარეები.

DIOGENIS BLUE PALACE 4*

სასტუმრო მდებარეობს კრეტაზე, კურორტულ დასახლებაში – გუვესში, მისი ცენტრიდან დაახლოებით 500 მეტრში. Tripadvisor-ზე აქვს 4-ბალიანი რეიტინგი, რაც მიუთითებს, რომ სასტუმროს ღირებულება პირობებთან შესაბამისია.

სასტუმროსა და ზღვას შორის გადის გზა, თუმცა სტუმრებისთვის მოწყობილია კერძო ტერიტორია ქვიშა-ღორღის სანაპიროზე - სიგრძით დაახლოებით 50 მეტრი, სადაც უფასოდ არის ხელმისაწვდომი ქოლგები და შეზლონგები.

სასტუმროს ტერიტორია კომპაქტურია. აქ არის აუზი დიდებისთვის და ცალკე აუზი ბავშვებისთვის, ხოლო უფასო Wi Fi ხელმისაწვდომია ლობიში. 2022 წელს სასტუმროში განაახლეს ნომრები.

DIOGENIS BLUE PALACE 4* შესაფერისია ტურისტებისთვის, რომლებიც გეგმავენ ბიუჯეტურ დასვენებას კრეტაზე All Inclusive სისტემით, სურთ განთავსება ზღვასთან და ამასთანავე კურორტის ცენტრთან ახლოს.

MARE BLUE & SUITES 4*

სასტუმრო მდებარეობს კუნძულ კრეტაზე, პოპულარულ ტურისტულ დასახლება – გეორგიოპოლისში, მაღაზიებთან, ტავერნებთან და გასართობ დაწესებულებებთან ახლოს. ასეთი მდებარეობა შესანიშნავია მათთვის, ვისაც სურს კომბინირებული დასვენება: პლაჟი, გასეირნება და კურორტული ცხოვრება. ბოლო განახლება ნომრებში ჩატარდა 2019 წელს. განახლების შემდეგ სტუმრები ხშირად მიუთითებენ სისუფთავეზე და აღნიშნავენ თანამედროვე მინიმალისტურ ინტერიერს, როგორც ერთ-ერთი უპირატესობა ბიუჯეტური სასტუმროს არჩევისას. სწორედ ამიტომ სასტუმრო Tripadvisor-ზე 4.5-ქულით არის შეფასებული.

ნომრების უმრავლესობიდან იშლება პანორამული ხედები ზღვაზე. სასტუმროს ტერიტორიაზე არის ღია აუზი და Wi-Fi. პლაჟზე დასვენებისათვის მოწყობილია კერძო ზონა ქვიშა-ღორღის სანაპიროზე - სიგრძით 110 მეტრი, ხოლო ზღვაში კომფორტულად შესასვლელად, მოწყობილია პირსი.

MARE BLUE & SUITES 4* შესაფერისია ტურისტებისათვის, რომლებიც ეძებენ ბიუჯეტურ სასტუმროს პირველ ხაზზე, კეთილმოწყობილი სანაპიროთი და კომფორტული მდებარეობით ტურისტული ცენტრის სიახლოვეს.

STALIS HOTEL 3*

სასტუმრო კრეტაზე, კურორტული დასახლება სტალიდას ცენტრში, მიმზიდველი და კომფორტული ადგილი, Tripadvisor-ზე 4.5-ბალიანი რეიტინგით. მისი მდებარეობა საშუალებას აძლევს დამსვენებლებს სულ რამდენიმე წუთში ესტუმრონ რესტორნებს, ბარებს, ტავერნებსა და მაღაზიებს, ხოლო პლაჟამდე მანძილი დაახლოებით 40 მეტრია. 2018–2019 წლებში სასტუმროში განახლდა ნომრები, რესტორანი, ფიტნეს-ცენტრი და სპა ზონა. სასტუმროს ტერიტორიაზე ხელმისაწვდომია Wi-Fi.

სასტუმრო მდებარეობს დიდ ქვიშის ყურესთან, ზღვაში მოსახერხებელი შესასვლელით. პლაჟი საზოგადოებრივია, სიგრძით დაახლოებით 2 კმ. სასტუმროს ტერიტორიიდან იშლება საოცარი ხედები ზღვაზე, განსაკუთრებით ღია აუზის გვერდით არსებული ტერასიდან.

STALIS HOTEL 3* შესაფერისია ახალგაზრდებისთვის და ტურისტებისთვის, ვისთვისაც მნიშვნელოვანია მოსახერხებელი მდებარეობა ზღვისა და ტურისტული ცენტრის სიახლოვეს, ასევე ხელმისაწვდომი ფასები.

SUN BEACH LINDOS 3*

სასტუმრო მდებარეობს ლარდოსის მწვანე ყურეში, როდოსის კუნძულზე, დასახლების ცენტრიდან დაახლოებით 1 კმ-ში, სადაც განთავსებულია მაღაზიები და კაფეები. ტურისტები ხშირად მიუთითებენ სასტუმროს მოსახერხებელ მდებარეობასა და კომფორტულ ატმოსფეროზე, რასაც ადასტურებს Tripadvisor-ის 4-ქულიანი რეიტინგი.

კომპლექსი შედგება მთავარი სამ სართულიანი შენობისა და ორი ორ სართულიანი ბუნგალოსგან. ტერიტორიაზე არის ღია აუზი დიდებისთვის და ბავშვებისთვის, ასევე კერძო ზონა საზოგადოებრივ ქვიშა-ღორღიან სანაპიროზე - სიგრძით დაახლოებით 1 კმ, სადაც სტუმრებისთვის უფასოდ არის ხელმისაწვდომი ქოლგები და შეზლონგები.

2020 წელს სასტუმროში განაახლეს ნომრები და საზოგადოებრივი სივრცეები. გასართობი პროგრამები და ანიმაცია გათვალისწინებულია მთელი ოჯახისთვის, რის გამოც დასვენება საინტერესო ხდება როგორც ბავშვებისთვის, ისე ზრდასრულებისთვის.

SUN BEACH LINDOS 3* შესაფერისია ოჯახებისთვის, რომლებიც ეძებენ ბიუჯეტურ სასტუმროს მწვანე ტერიტორიით, ზღვის პირველ ხაზზე, კაფეებთან და მაღაზიებთან კომფორტული სიახლოვით.

OLYMPOS BEACH HOTEL 4*

სასტუმრო მდებარეობს ფალირაკის ყურეში როდოსის კუნძულზე, სანაპიროდან მხოლოდ 50 მეტრის დაშორებით, ხოლო კურორტის ცენტრიდან 4 კმ-ში. Tripadvisor-ზე აქვს 4-ბალიანი რეიტინგი.

სტუმრებისთვის მოწყობილია კერძო ტერიტორია ქვიშა-ღორღის პლაჟზე სიგრძით - დაახლოებით 30 მეტრი, რომელიც მოწყობილია ქოლგებითა და შეზლონგებით, პავილიონებითა და სანაპიროს პირსახოცებით. სასტუმროს ტერიტორიაზე არის Wi-Fi, ბავშვების აუზი, სათამაშო მოედანი და მუშაობს ანიმატორების გუნდი. ასევე გათვალისწინებულია ოჯახებისთვის საჭირო ნივთები: ბავშვის საწოლები, საკვები სკამები და საბავშვო ეტლები.

OLYMPOS BEACH HOTEL 4* შესაფერისია ოჯახებისთვის, რომლებიც ეძებენ ბიუჯეტურ All Inclusive დასვენებას ზღვასთან ახლოს, სასტუმროს - განვითარებულს ბავშვთა ინფრასტრუქტურითა და კომფორტული მდებარეობით კურორტის ცენტრთან.