დასვენება არაბთა გაერთიანებულ საამიროებში — პრაქტიკული გზამკვლევი

ტურისრულად როცა მიდიხართ, დუბაისა და აბუ-დაბიში მხოლოდ საუზმე ხშირად უფრი პრაქტიკულია, ვიდრე All Inclusive. რადგან დღის განმავლობაში უმეტესწილად იქნებით ქალაქში იქნებით, სადაც რესტორნების უდიდესი დიდია. რას-ელ-ხაიმაში, ფუჯაირაში ან ქალაქიდან მოშორებულ სასტუმროში ნახევარპანსიონი და All Inclusive უფრო გამართლებულია — ახლომდებარე რესტორანი შეიძლება საერთოდ არ იყოს, ხოლო სასტუმროში ცალკე შეძენილი კვება ძვირი გამოვიდეს.

All Inclusive-ის პირობები ყველა სასტუმროში ერთნაირი არ არის. ზოგჯერ პაკეტი მხოლოდ ძირითად რესტორანსა და უალკოჰოლო სასმელებს მოიცავს; სხვა სასტუმროში კი რამდენიმე ბარი და დამატებითი კვებაც შედის. დაჯავშნამდე პროგრამის ზუსტი აღწერა წაიკითხეთ.

დუბაი ერთადერთი საამიროა განვითარებული მეტროს ქსელით. მეტრო მოსახერხებელია აეროპორტს, ქალაქის ცენტრს, დუბაი მარინასა და ქალაქის რამდენიმე ძირითად ზონას შორის გადასაადგილებლად, თუმცა ყველა პლაჟსა და სასტუმროსთან არ მიდის. მგზავრობისთვის გამოიყენება Nol ბარათი, რომელიც ავტობუსებსა და სხვა საზოგადოებრივ ტრანსპორტშიც მოქმედებს.

სხვა საამიროებში ძირითადი არჩევანი ტაქსი, სასტუმროს ტრანსფერი, საქალაქთაშორისო ავტობუსი ან დაქირავებული ავტომობილია. ტაქსები მრიცხველით მუშაობს, მაგრამ ქალაქებს შორის ხანგრძლივი მგზავრობა მაინც ძვირი შეიძლება გამოვიდეს.

ავტომობილის დაქირავებისას გადაამოწმეთ დეპოზიტი, დაზღვევა, საწვავის წესი, პარკირების საფასური და ფასიანი გზების პირობები. სიჩქარის კონტროლის კამერები ფართოდ გამოიყენება, ხოლო ჯარიმა შეიძლება ავტომობილის დაბრუნების შემდეგაც ჩამოგეჭრათ.

ადგილობრივი ვალუტაა არაბთა გაერთიანებული საამიროების დირჰამი — AED. დირჰამი აშშ დოლართან ფიქსირებული კურსითაა დაკავშირებული: 1 აშშ დოლარი დაახლოებით 3.67 დირჰამია.

ბარათით გადახდა ფართოდ არის გავრცელებული, თუმცა მცირე თანხის ნაღდი ფულიც გამოგადგებათ — განსაკუთრებით ბაზარში, პატარა მაღაზიაში ან ტაქსში გადახდისთვის. აეროპორტში მთელი თანხის გადაცვლა საჭირო არ არის; კურსი ქალაქის გაცვლის პუნქტებში ხშირად უკეთესია.

თსაამიროები UTC+4 დროის სარტყელშია. შესაბამისად, ადგილობრივი დრო თბილისის დროს მთელი წლის განმავლობაში ემთხვევა.

საქართველოს ჩვეულებრივი პასპორტის მფლობელს არაბთა გაერთიანებულ საამიროებში ტურისტული მოგზაურობისთვის წინასწარი ვიზა არ სჭირდება. უვიზოდ ყოფნა შესაძლებელია შესვლის თარიღიდან არაუმეტეს 90 დღისა. ეს ინფორმაცია საქართველოს საკონსულო პორტალზეც არის მითითებული.

პასპორტი მგზავრობისას მინიმუმ ექვსი თვის განმავლობაში მოქმედი უნდა იყოს. თან იქონიეთ დაბრუნების ბილეთი, სასტუმროს ჯავშანი და სამოგზაურო დაზღვევა. ავიაკომპანიისა და სასაზღვრო სამსახურის მოთხოვნები გამგზავრებამდე კიდევ ერთხელ გადაამოწმეთ, რადგან შესვლის წესები შეიძლება შეიცვალოს.

დასვენება არაბთა გაერთიანებულ საამიროებში თავისუფალ ტურისტულ გარემოს გულისხმობს, თუმცა ადგილობრივი კანონები მკაცრად სრულდება.

საცურაო კოსტიუმი მისაღებია პლაჟსა და სასტუმროს აუზთან, მაგრამ არა სავაჭრო ცენტრში, ქალაქის ქუჩებსა და რელიგიურ სივრცეებში. მეჩეთის მონახულებისას მოქმედებს ტანსაცმლის ცალკე მოთხოვნები.

ადამიანების ახლოდან გადაღებამდე ნებართვა ითხოვეთ. სამხედრო ობიექტების, გარკვეული სახელმწიფო შენობებისა და დაცული ტერიტორიების ფოტოგრაფირება აკრძალულია. ამას საამიროების ოფიციალური სამთავრობო პლატფორმაც უსვამს ხაზს.

ალკოჰოლი მხოლოდ ნებადართულ ადგილებში უნდა შეიძინოთ და მიიღოთ. ქუჩაში დალევა, საზოგადოებრივ სივრცეში ნასვამ მდგომარეობაში ყოფნა და ნასვამ მდგომარეობაში ავტომობილის მართვა დაუშვებელია. შარჯაში ალკოჰოლი მთლიანად აკრძალულია.

თუ რეგულარულ წამალს იღებთ, წინასწარ გადაამოწმეთ, ხომ არ შედის ის კონტროლირებადი პრეპარატების სიაში. ზოგიერთ მედიკამენტზე საჭიროა რეცეპტი, ექიმის ცნობა ან წინასწარი ნებართვა.

საგანგებო სიტუაციაში დარეკეთ:

• პოლიცია — 999;
• სასწრაფო დახმარება — 998;
• სახანძრო და სამოქალაქო თავდაცვა — 997.

ნომრები მოქმედებს ქვეყნის მთელ ტერიტორიაზე. (UAE Government).