სპა პროცედურები მთლიანობაში ორგანიზმის გაჯანსაღებისა და მოდუნებისათვისაა გამიზნული. იგი მოქმედებს კანის მეშვეობით, სპა კომპონენტები ააქტიურებენ ნივთიერებათა ცვლას, აუმჯობესებენ სისხლის მიმოქცევას, გამოდევნიან ტოქსიკურ ნივთიერებებს ორგანიზმიდან და აჯანსაღებენ ორგანიზმის საერთო მდგომარეობას. 

პროცედურის შემდეგ კანი ხდება არაჩვეულებრივად რბილი და ელასტიური, იძენს ტონუსს და აქტიურად იღებს სასიცოცხლო ენერგიას. 

რა თქმა უნდა, ამ ტიპის პროცედურების კომპლექსის ჩატარება ყველაზე ეფექტური სპეციალურ ზღვისა და მინერალური წყლის კურორტებზეა. ასეთ შემთხვევაში ნატურალური კომპონენტები, რომლებსაც იყენებენ პროცედურებისას, შეესაბამება სამკურნალო კლიმატსა და ხელსაყრელ, სასიამოვნო გარემოს, რაც აუცილებელია საუკეთესო შედეგის მისაღწევად. სპა ინდუსტრია მოწინავე ბიოტექნოლოგიას ძველ, აღმოსავლურ პრაქტიკებთან კომბინაციაში იყენებს. 

ფიზიოთერაპიის მეშვეობით შესაძლებელია გულ-სისხლძარღვთა სისტემის, საყრდენ-მამოძრავებელი სისტემის, ცენტრალური ნერვული სისტემისა და ნივთიერებათა ცვლასთან დაკავშირებული დაავადებების მკურნალობა, სიმპრომების შემსუბუქება ან პრევენცია. სპა პროცედურები ასევე შესანიშნავია პოსტტრამვული რეაბილიტაციის პერიოდისთვის. 

საცურაო აუზები, ჰიდრო მასაჟი, საუნა და ჯაკუზი, კარგად აღჭურვილი სატრენაჟორო დარბაზი - ნებისმიერი სპა სასტუმროს აუცილებელი, შემადგენელი ნაწილია. ეს უზრუნველყოფს ყველა სტუმრის მიმართ კომპლექსურ და ინდივიდუალურ მიდგომას.