ეს არის წარმოუდგენლად პატარა ქვეყანა, არაჩვეულებრივი, ფართო ტურისტული შესაძლებლობებით. ანდორას შეუძლია ტურისტების მოზიდვა არა მხოლოდ თავისი შესანიშნავი სათხილამურო კურორტებით და განსაცვიფრებელი ბუნებით, არამედ ყველაზე მსხვილი თერმული კომპლექსით დასავლეთ ევროპაში. დედაქალაქიდან ძალიან ახლოს მდებარეობს ესპანეთის და საფრანგეთის ტერიტორიები, აქ წელიწადში 250 დღე ანათებს მზე და აქ მოგზაურობას ისწრაფვის ევროპის ყველა შოპაჰოლიკი, რადგან ანდორა არადაბეგრვადი სავაჭრო ზონაა. 

მთავარი კურორტები

ანდორა ლა ველა არის მსოფლიოში ცნობილი სათხილამურო კურორტი და ანდორას დედაქალაქი. ქალაქი მდიდარია შესანიშნავი სასტუმროებით და სავაჭრო ცენტრებით, სადაც შეგიძლიათ შეიძინოთ საქონელი ბაჟის გარეშე, ისევე როგორც’’ Duty Free’’ ზონებში . ანდორა ლა ველაში სეზონი დეკემბრიდან აპრილის შუა რიცხვებამდე გრძელდება. თოვლიანი ფერდობების გარდა, ეს ქალაქი იზიდავს ტურისტებს თავისი თერმული წყლებით.

ორდინო ანდორას ნამდვილი მარგალიტია. რომანულმა ეკლესიებმა, ძველმა სასახლეებმა და დიდებული მთებით მოპირკეთებული ქვის ტროტუარებმა ეს ქალაქი აქციეს ქვეყნის ყველაზე რომანტიკული ადგილად.

დედაქალაქიდან 15-30 წუთში მდებარეობს ორი დიდი სათხილამურო ზონა: გრანდვალირა და ვალნორდი.

გრანდვალირა აერთიანებს ორ უდიდეს სათხილამურო ზონას - პას -დე-ლა-კასა - გრაუ როიჩი და სოლდეუ - ელ-ტარტერის. პირველ ზონაში დომინირებს რთული სათხილამურო ტრასები პროფესიონალებისთვის, აქ არის რამოდენიმე საშიში წითელი და შავი ტრასები. მეორე ზონაში კი ფუნქციონირებს კარგი სათხილამურო სკოლები, ამიტომ პირველი ნაბიჯების გადადგმა ამ სახეობის სპორტში აქ უფრო მისაღებია, ხოლო ადგილობრივი თოვლის პარკი შესანიშნავია სნოუბორდისტებისთვის, რომლებიც კარგად არიან გაწაფულნი. 

სათხილამურო რეგიონი ვალნორდი აერთიანებს ერთი სქი-პასების ქვეშ შემდეგ სათხილამურო ტრასებს: პალ - არინსალს და ორდინო - არკალისს. პირველი მოეწონება მათ, ვისაც ციცაბო და ხელუხლებელი ფერდობები მოსწონს, თუმცა ასევე არსებობს ფართო, ნაკლებად დახრილი ფერდობები, რომლებიც შესანიშნავია დამწყები მოთხილამურეებისთვის. ხოლო ორდინო - არკალისი საუკეთესო ადგილია სნოუბორდისთვის.

თხილამურებით სრიალის გარდა, შეგიძლიათ დაისვენოთ ბრწყინვალე თერმულ კომპლექსში -კალდეა, რომელიც დასავლეთ ევროპის უდიდეს თერმულ სპას წარმოადგენს. წყალი აქ წარმოდგენილია ყველა ფორმით: გროტები, ჯაკუზები, ჩანჩქერები, კასკადები, აბანოები და საუნები, სოლარიუმები, გეიზერები. მასაჟის ოთახები, VIP ზონა, რესტორნები და კაფეები, ტენისის კორტები ასევე ამ კომპლექსის ნაწილია.

კლიმატი და სეზონურობა

დეკემბრის დასაწყისიდან აპრილის შუა რიცხვებამდე თოვლის საფარი 50-დან 300 სმ-მდეა - სწორედ ეს პერიოდია სათხილამურო სეზონი. ღამით მსუბუქი ყინვა იცის, დღისით კი ჰაერი თბება + 10 ° C- მდე. კურორტებს აქვთ სპეციალური თანამედროვე ქვემეხები, რომლებსაც საჭიროების შემთხვევაში შეუძლიათ ფერდობები თოვლის საფარით დაფარონ.

დრო

ანდორას ადგილობრივი დრო თბილისის დროს ჩამორჩება 2 საათით.

ვალუტა

სახელმწიფო ვალუტაა ევრო. ფულის გაცვლა შესაძლებელია ბანკებში, რომლებიც ჩვეულებრივ მუშაობენ 09:00 საათიდან 17:00 საათამდე, მაგრამ ბევრად უფრო მომგებიანია გაცვლითი ოფისების მოძებნა ნიშნით CAMBIO, სადაც არის ნიშანი NOT COMISION. 

ვიზა

ანდორას სამთავროს არ აქვს საკუთარი საერთაშორისო აეროპორტი. ანდორაში შეგიძლიათ მოხვდეთ ესპანეთის ან საფრანგეთის გავლით. საქართველოს მოქალაქეებს,ანდორის სამთავროში გასამგზავრებლად ვიზა არ ესაჭიროება,მაგრამ ანდორას სამთავროს ტერიტორიაზე შესვლა შესაძლებელია მხოლოდ საფრანგეთის რესპუბლიკის ან ესპანეთის სამეფოს ტერიტორიის გავლით. ვინაიდან, ანდორას სამთავრო არ წარმოადგენს შენგენის ხელშეკრულების წევრ ქვეყანას, საქართველოს მოქალაქეს ანდორაში გასამგზავრებლად ესაჭიროება სულ მცირე შენგენის წევრი სახელმწიფოების ორჯერადი შესვლა-გასვლის ვიზა.

ანდორის სამთავროს საგარეო საქმეთა სამინისტროს ვებ–გვერდი: www.exteriors.ad

გეოგრაფიული ცნობები

ანდორა პატარა სახელმწიფოა (მხოლოდ 468 კვ.კმ) პირინეის აღმოსავლეთ ნაწილში. ქვეყანას არ აქვს ზღვაზე გასასვლელი და მდებარეობს ესპანეთსა და საფრანგეთს შორის. ანდორას მთავარი ქალაქი - ანდორა ლა ველია მდებარეობს ზღვის დონიდან 1029 მ სიმაღლეზე და არის ყველაზე მაღალი მთაგორიანი დედაქალაქი ევროპაში.

ანდორას ყველაზე მაღალი წერტილია კომა პედროსა, რომელიც პიერინეში მდებარეობს (2,942 მ.). აქ მიედინება მდინარე ვალირა, რომელთა ორი შენაკადი ერწყმის ერთმანეთს ქვეყნის დედაქალაქში. ბუნებამ გულუხვად დააჯილდოვა სამთავრო და, პირველ რიგში - ზღაპრულად ლამაზი მთის პეიზაჟებით. 

ისტორიული ცნობები

IX საუკუნის დასაწყისში, აქვიტანიის მეფემ, ლუი I ღვთისმოსავმა, ანდორას მკვიდრთა დახმარებით დაამარცხა სარაცინთა ჯარები. ამის საპატივსაცემოდ კარლოს დიდმა ერთობას გადასცა თავისუფლების დიადი ქარტია. ამ მოვლენის შემდეგ ითვლიან ანდორას მკვიდრნი საკუთარ ისტორიას. 1479 წლამდე ანდორას მთელი ძალაუფლება კონცენტრირებული იყო ურგელის ეპარქიის სათავეში, რომელიც წარმოადგენს კათოლიკურ ეკლესიას. შემდგომში, ანდორა გადავიდა  საფრანგეთის მმართველობის ქვეშ. ფორმალურად, საფრანგეთმა დღემდე შეინარჩუნა ეს უფლება: კერძოდ, ეს გამოიხატება იმით, რომ საფრანგეთის პრეზიდენტი ასრულებს ანდორას სამთავროს თანამმართველის მოვალეობას.

ტურიზმის ინდუსტრიაზე ყოველწლიურად მოდის ქვეყნის შემოსავლის 80%. ხეობებში მცირე ნაკვეთები საუკეთესოა სოფლის მეურნეობისთვის - ეს არის ქვეყნის მთელი ფართობის დაახლოებით 2%. აქ არის ბუნებრივი რესურსების მარაგი - მინერალური წყლები, ხე-ტყე, რკინის საბადო, ტყვია, ჰიდრორესურსები. ანდორას სამთავრო დამოკიდებულია იმპორტზე, რადგან ამ ქვეყანაში თითქმის ყველაფერი იმპორტირებულია. 

ენა და რელიგია

ანდორას სამთავროს ოფიციალური ენა არის კატალონური. ასევე გავრცელებულია ესპანური და ფრანგული. სასტუმროს პერსონალი საუბრობს ინგლისურად. ანდორაში მცხოვრები მორწმუნეების უმრავლესობა კათოლიკეა (99%).

სამზარეულო

ანდორა თავის სტუმრებს სთავაზობს არა მხოლოდ პირველი კლასის სერვისს ზამთრის სპორტის სახეობებისთვის, არამედ უამრავ გასტრონომიულ სიამოვნებას. განსაკუთრებით სასიამოვნოა მცირე და ძალიან მყუდრო რესტორნების მონახულება. ამ დაწესებულებებს ბორდას უწოდებენ და აქ ხშირად გთავაზობენ ძველი, შინაური რეცეპტების მიხედვით მომზადებულ კერძებს. მათ შორის არის სხვადასხვა სახის შემწვარი ხორცი - საქონლის ხორცი, ცხვარი, კურდღელი, ღორის ხორცი, ინდაური. ხორცის ასეთ ასორტის la parillada ეწოდება. ჩვენ გირჩევთ დააგემოვნოთ ტრადიციული კატალონიური კერძები: უგემრიელესი ძეხვეული, რომელსაც აკომბინირებენ როგორც გარნირებთან, ასევე ტრადიციულ წვნიანებთან ერთად.

ტრანსპორტი

ანდორას რკინიგზა ან აეროპორტი არ აქვს, უახლოესი აეროპორტებია ბარსელონაში, ჟირონაში, ტულუზში, პერპინიანსა და რეუსში. საზოგადოებრივი ტრანსპორტია ავტობუსი. მათი მეშვეობით შესაძლებელია გადაადგილება არა მხოლოდ ანდორას ქალაქებამდე და სოფლებამდე, არამედ ბარსელონამდე, ჟირონამდე, ტულუზასა და პორტუგალიამდე. ცენტრალურ ნაწილში მოსახერხებელია ტაქსით გადაადგილება. შეუძლებელია ქუჩაში მანქანის დაქირავება, ის წინასწარ უნდა შეუკვეთოთ.

ზამთარში მუშაობს სპეციალური სათხილამურო ავტობუსის ხაზი, რომელიც აღჭურვილია სათხილამურო ბარგის განყოფილებებით, მათ ტურისტები სათხილამურო სადგურამდე მიჰყავს. თუ მანქანას ქირაობთ, უმჯობესია ამის გაკეთება პირდაპირ ბარსელონას აეროპორტში, 1,5-ჯერ იაფი იქნება, ვიდრე თავად ანდორაში. ღირებულება - 140 – დან 500 ევრომდე კვირაში, რაც დამოკიდებულია მანქანის ბრენდზე.

დღესასწაულები

1 იანვარი - ახალი წელი (სამუშაო დღე)

24 ივნისი - ანდორას მფარველი წმინდა იოანეს დღე

აგვისტოს პირველი შაბათი - ანდორა ლა ველას ფესტივალი

8 სექტემბერი - ანდორას მფარველი მერიტჩელის ღვთისმშობლის დღე - მთავარი სახელმწიფო დღესასწაული

1 ნოემბერი - ყველა წმინდანის დღე

4 ნოემბერი - ანდორას მფარველი წმინდა კარლოს ბორომეანელი

25 დეკემბერი - შობა

დასვენების დღეები - შაბათი, კვირა

სამედიცინო დახმარება

ანდორაში გასამგზავრებლად საჭიროა სავალდებულო ჯანმრთელობის დაზღვევა. ქვეყნის მასშტაბით არსებობს პირველადი სამედიცინო დახმარების ცენტრები. ანდორას მთავარი საავადმყოფო "მერიტჩელი" მდებარეობს ესკალდეს - ეგორდანში.

საგანგებო სამსახურების ტელეფონები

პოლიცია - 872-000, 110

სამთო სამაშველო სამსახური - 112

სასწრაფო დახმარება - 110 (სასწრაფო გამოძახება), 118 და 116

ტურიზმის სააგენტოს საინფორმაციო სამსახური - 820-214

საქართველოს ელჩი ანდორას სამთავროში, ალჟირის სახალხო დემოკრატიულ რესპუბლიკასა და მაროკოს სამეფოში (ქ. მადრიდი) ილია გიორგაძე

ტელეფონები: (+34 91) 429 01 55, (+34 91) 420 35 89

სასარგებლო რეკომენდაციები

• ანდორა არის უბაჟო ვაჭრობის ზონა, ანუ სრული დუთი ფრი ზონა, რაც შესაძლებელს ხდის შეიძინოს სხვადასხვა პროდუქცია 25% -40% - მდე ფასდაკლებით, ვიდრე მსგავსი საქონელი ესპანეთში ან საფრანგეთში. ამ დროისთვის ქვეყნიდან შესაძლებელია სამრეწველო საქონლის ექსპორტი, რომლის საერთო ღირებულება არ აღემატება 900 ევროს.
• სასტუმროებს არ აქვთ ოფიციალური კატეგორიები. სასტუმროებში საკვები საკმაოდ მრავალფეროვანია, მაგრამ საუზმეზე ცხელ კერძებს, როგორც ჩვეულებრივ, არ სთავაზობენ.
• მკაცრ კათოლიკური მიწაზე აღზრდილი საზოგადოებრივი ზნეობა საკმაოდ მკაცრია. მეზობელი ესპანეთისა და საფრანგეთისგან განსხვავებით, სტრიპტიზ ბარები აქ არ არსებობს, ნუდიზმი მიუღებელია და ადგილობრივი პოლიცია არ ერიდება ქვეყნიდან ნებისმიერი უცხოელის განდევნას, ვინც არღვევს ადგილობრივ კანონებს ან თუნდაც გამოირჩევა თავხედი საქციელით.